Mutshawuteli 2:10 - Tshwa Bible

¹⁰ Zontlhe lezi zi nga naveliwa hi mahlo ya mina, a nzi ma tsimbetelangi; a nzi alelangi mbilu ya mina ni lihi litsako; hakuva yi wa tsakela ntiro wontihe wa mina; lezo hi zona nzi nga bhinzula ntirweni wontihe wa mina.

Mutshawuteli 2:10 Mawu Ofanana

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

Joba 31:1

Mina nzi mahile xivumelwano zinwe ni mahlo ya mina; Lezaku nzi nga dzuki nzi cuwuka a nhwana. Mat. 5:28

Tisimu 119:37

Hambukisa a mahlo ya mina lezaku ma nga cuwuki lezi zi nga nyawuliko, U nzi hanyisa tindleleni ta wena.

Tisimu 128:2

Hakuva u taga mihanzu ya ntiro wa mandla ya wena, U katekile, u humelela.

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Mutshawuteli 11:9

O jaha, tsakela a wuswa ga wena, a mbilu ya wena a yi ku tsakise masikwini ya wuswa ga wena; famba hi tindlela ta kuranza ka mbilu ya wena, ni kuwoneni ka mahlo ya wena; kanilezi tiva lezaku Nungungulu i ta ku lamula hi zontlhe lezi zilo. Mat. 12:36; 2 Kor. 5:10

Mutshawuteli 2:1

Nzite mbilwini ya mina: Ngone, nzi ta ku ringa hi kutsaka, ti buzise hi litsako; kanilezi, languta, lezi kambe zi wa nga nyawuli. Lu. 12:19

Mutshawuteli 2:22

Hakuva munhu i bhinzula yini hi ntiro wakwe, ni kukarateka ka mbilu yakwe loku a ti karatako ha kona lahasi ka gambo?

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Mutshawuteli 3:22

Hikwalaho mina nzi lo wona lezaku zi mu sasekele nguvu munhu lezaku a tsakela mitiro yakwe, hakuva hi xona xiavelo xakwe. Hakuva himani a ta nga mu wuyisa, kasi ku ta wona ni ku tsaka hi lezi zi ta nga humelela nzhako kakwe?

Mutshawuteli 5:10

Loyi a ranzako mali a nga kolwi hi mali, Ni loyi a ranzako kufuma a uga kolwi hi bhinzu. Lezo kambe a zi nyawuli. Joba 20:18; Tis. 49:10; Hag. 1:6

Mutshawuteli 5:17

Ni ka masiku wontihe yakwe i gela munyameni; na a hi ni hlomulo wa hombe, ni kubayiseka ni zanga.

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 6:2

a munhu loyi Nungungulu a mu nyikileko wukosi, ni titshomba, ni wudzunzo, laha kaku a nga vumali nchumu lexi a mbilu yakwe yi xi navelako, kanilezi Nungungulu a nga mu nyiki ntamu wa ku ziga, kanilezi zi giwa hi wa matiko; lezo a zi nyawuli, i khombo gi bayisako nguvu. Estere 5:11; Tis. 39:6

Mutshawuteli 6:9

A ku wona hi mahlo ku sasekile ku hunza ku fambiswa hi kunavela. Zonawu lezo a zi nyawuli, ku lanzela mheho ntsena.

Mutshawuteli 8:15

Zonake nzi lo dzunza litsako, hakuva munhu a nga na xilo xa chukwana lahasi ka gambo ku hunza lezaku aga, anwa, a tsaka, hakuva hi lexo a xi bhinzuleko hi ntiro wa masiku lawa Nungungulu a mu nyikileko lahasi ka gambo.

Mutshawuteli 9:6

A liranzo labye, ni livengo labye, ni wukhuxu gabye, zi fuvile; cima a va hi na xiavelo ni ka xihi xilo xi mahiwako lahasi ka gambo.

Mutshawuteli 9:9

Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

1 Johani 2:16

Hakuva zontlhe lezi zi nga laha tikweni: a kunavela ka nyama, ni kunavela ka mahlo, ni kutikulisa hi kota ya zilo za loku kuhanya, a ziti hi ka Dadani, kanilezi zita hi lomu tikweni.

Valamuli 14:2

I lo wuya a ta tivisa raru wakwe ni nyine wakwe, aku: Nzi wonile wasati xikari ka vanhwana va maFilistia le Timna, hikwalaho nzi lowoteni.