Mutshawuteli 11:5 - Tshwa Bible

⁵ Khwatsi hilezi u nga tiviko a ndlela ya mheho, hambu ni mawumbela ya marambu lomu rumbyini ga loyi a nga ni nyimba, zinghaho cima a ku tivi mitiro ya Nungungulu loyi a mahako zilo zontlhe.

Mutshawuteli 11:5 Mawu Ofanana

Joba 37:23

Hi ku kumbuka Nyamintamu, hi nga kala hi nga mu kumi: I na ni ntamu wa hombe ni nongameto, i tele hi kululama, Cima a nga hlokisi.

Joba 38:4

U wa hi kwihi a xikhati lexi nzi nga yimisa a xiseketelo xa misava? Tlhatlhambutela loku u hi ni kutivisisa.

Joba 5:9

A nga yena a mahako zilo za hombe zi nga kambiwiko, Ni zihlamaliso zo tala za tsanza vahlayi. Rom. 11:33

Tisimu 104:24

Jehova, yi talisile kuyini a mitiro ya wena! U yi mahile yontlhe hi wutlhari; A misava yi tele hi zivangwa za wena.

Tisimu 40:5

Jehova, Nungungulu wa mina, yi tele a mitiro yi hlamalisako leyi u yi mahileko, Ni makungo ya wena ha hina. A ku na munwe loyi a fananako na wena, Nzi wa ta ranza ku yi tlhatlhambutela, Kanilezi a yi na ku hlayiwa. Ekso. 15:11

Tisimu 92:5

Jehova, yi kulisile kuyini a mitiro ya wena! Ni maalakanyo ya wena ma etile nguvu. Rom. 11:33

Mutshawuteli 1:13

Nzi lo nyiketela a mbilu ya mina a ku hlotisisa hi wutlhari a zilo zontlhe lezi zi mahiwako lahasi ka tilo; i ntiro wo bayisa lowu Nungungulu a wu nyikileko ka vanana va vanhu lezaku va ti karata ha wona. 1 Tih. 4:29

Mutshawuteli 1:6

A mheho yi komama Dzongeni, yi tlhela yi hunzuluka yi komama Nwalungu, yi hunzuluka-hunzuluka kupupuxeni ka yona, zonake yi engeta yi sangula kambe a kurenzeleka ka yona.

Mutshawuteli 11:4

Loyi a langutelako mheho a nga na ku byala, ni loyi a cuwukako marefu cima a nga ta tshovela.

Mutshawuteli 3:10

Nzi wonile a mitiro leyi Nungungulu a nyikileko vanana va vanhu lezaku va ti karata ha yona.

Mutshawuteli 3:11

I mahile zontlhe zi sasekile hi xikhati xa zona; kambe i vekile timbilwini tabye ku alakanya xikhati xi nga mbheliko; hambu zi hi tano, a nga kona munhu a tivako ntiro lowu Nungungulu a wu mahileko, a masangulo ya wona ni magumo ya wona.

Mutshawuteli 7:24

Lezi zi nga hi kona zi le kule, na zi etile; himani a nga zi tivako?

Mutshawuteli 8:17

zonake nzi lo wona a mitiro yontlhe ya Nungungulu, lezaku munhu a nga zi koti ku pima lezi zi mahiwako lahasi ka gambo; hakuva hambu loku a munhu a ti karata ku zi hlotisisa, cima a nga zi pimi. Ina, hambu ni tlhari, loku yi ringa ku zi pima, cima a yi zi kumi.

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Johani 3:8

A mheho yi pupuxa laha yi ranzako kona, u gizwa lungu ga yona, kanilezi a ku tivi laha yi tako ha kona, ni lomo yi yako kona; hizalezo vontlhe lava va belekilweko hi Moya. Mutsa. 11:5; 1 Kor. 2:11

Va le Roma 11:33

Mangabye a kueta ka kufuma ni kutlhariha ni wutivi ka Nungungulu! A kulamula kakwe a ku na ku pimiwa, ni tindlela takwe a ti na ku tibyiwa.