Mutshawuteli 11:2 - Tshwa Bible

² Zi avanyisele ka ntlhanu ni vambiri, hambu ka ntlhanu ni vanharu; hakuva a ku tivi a khombo gi ta nga huma laha misaveni.

Mutshawuteli 11:2 Mawu Ofanana

Nehemia 8:10

Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

Estere 9:19

Hikwalaho a vaJuda lava va akileko lomu mitini yi nga bhiywangiko, a siku ga 14 ga hweti ya Adare va maha mibuzo va tsaka, giva ximuse, va rumelana zinyikiwo ha gona.

Estere 9:22

ku nga masiku lawa a vaJuda va nga kuma kuhumula valaleni vabye, a hweti leyi a kuxaniseka kabye ku nga hunzulwa kuva litsako, a siku ga xirilo gi hunzulwa giva ka migiyo; va maha ha wona a mibuzo, va tsaka, va rumelana zinyikiwo, ni ku nyika zinyikiwo ka zisiwana.

Joba 5:19

I ta ku hlanguta zikaratweni ntlhanu wa zikhati ni xinwe: Ina, ni ntlhanu wa zikhati ni zimbiri cima a kubiha ku nga ta ku khumba.

Tisimu 112:9

Wa hana, a nyika ka lava va vumalako; A kululama kakwe ku simamisa kala kupinzuka; A limhonzo lakwe li ta tlakuswa hi wudzunzo. 1 Sam. 2:1; 2 Kor. 9:9

Mavingu 19:17

Loyi a hawukelako zisiwana i pembisa ka Jehova; ena i ta chachazelwa hi zimaho zakwe za zi nene. Mat. 10:42; 25:40

Mavingu 6:16

Ku na ni ntlhanu wa zilo ni xinwe a zi vengako Jehova: na, i ntlhanu ni zimbiri zi nga manyalataniso kakwe:

Mutshawuteli 11:3

Loku a marefu ma tele hi vula ma yi chulula laha misaveni; ni loku sinya yi wela tlhelo ga Dzonga kutani tlhelo ga Nwalungu, yi ta sala kwalaho yi weleko kona.

Mutshawuteli 11:8

Hambu loku munhu a hanya malembe yo tala, ngha a tsaka ka wona wontihe; kanilezi a a alakanye a masiku ya munyama, hakuva ma tava manyingi. Zontlhe lezi zi ta nga humelela a zi nyawuli.

Mutshawuteli 12:1

Alakanya Muvangi wa wena masikwini ya wuswa ga wena, na ku nga se kuta a masiku ya kubiha, na ma nga se ku chikela malembe lawa u ta nga wula ha wona, aku; A nzi tsakiswi ha wona; Tis. 71:17; 119:9

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Mika 5:5

I ta neha kurula. Laha a muAssiria a ta nga enghena tikweni ga hina, a kanziha lomu ziluvelweni za hina, hi ta mu vuxela ntlhanu wa varisi ni vambiri, ni ntlhanu ni tinharu a tihosana ta vanhu.

Mateu 18:22

Jesu aku kakwe: A nzi ku byeli nziku: Ku kala ntlhanu ni kumbiri; kanilezi ku kala ku maha 70 wa makhati ma wuyetilweko hi ntlhanu ni kumbiri. Xip. 6:14; Mar. 11:25; Kol. 3:13

Mateu 5:42

Mu nyike loyi a ku kombelako, ni loyi a ku lombako u nga mu fulareli. Deut. 15:8; Lu. 6:30, 35

Luka 17:4

Loku a ku onhela a ntlhanu wa makhati ni mambiri hi siku, a wuya ka wena ka ntlhanu ni kambiri, a taku: Nza ti sola, u ta mu tsetselela.

Va le Galatia 6:1

Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena. 1 Kor. 2:15; 7:5; 2 Tes. 3:15

Va le Efesusi 5:16

Tirisani xikhati, hakuva masiku ma bihile.

Maheberu 13:3

Alakanyani lava va nga makhotsweni, muku khwatsi mu bohilwe zinwe navo; alakanyani ni lava va xaniswako, kota lezi na nwinawu mu nga ni mimiri, Rom. 12:15

1 Samueli 25:8

Wutisa malanza ya wena ma ta ku byela. Hikwalaho ngha majaha lawa ma kuma thomo mahlweni ka wena, kota lezi hi tako hi siku gi nene. Nyika malanza ya wena ni nʼwana wa wena Davida lezo u ta nga zi kuma lomu canjeni ga wena.