Mutshawuteli 1:3 - Tshwa Bible

³ I bhinzula yini munhu hi mitiro yakwe yontlhe a yi mahako lahasi ka gambo ke?

Mutshawuteli 1:3 Mawu Ofanana

Mutshawuteli 2:11

Kanilezi laha nzi nga cuwukisa mitiro leyi a mandla ya mina ma yi mahileko, nzi alakanya a kukarateka loku nzi nga hi nako loku nzi yi maha, languta, zontlhe zi wa nga nyawuli, zi wa hi ku lanza mheho ntsena; ku wa nga hi na bhinzu lahasi ka gambo.

Mutshawuteli 2:18

Ina, nzi lo venga a ntiro lowu nzi nga wu mahile laha hasi ka gambo; hakuva nzi fanele ku yi siyela loyi a tako nzhako ka mina.

Mutshawuteli 2:19

Himani a nga tivako loku inaloyi a tava tlhari kutani xipumbu ke? Kasi hi yena a ta nga fumela ntiro wontihe wa mina lowu nzi ti karatileko ha wona, nzi kombisa ha wona wutlhari ga mina lahasi ka gambo. Lezo na zonawu a zi nyawuli.

Mutshawuteli 2:22

Hakuva munhu i bhinzula yini hi ntiro wakwe, ni kukarateka ka mbilu yakwe loku a ti karatako ha kona lahasi ka gambo?

Mutshawuteli 3:9

Loyi a tirako i bhinzula yini hi ku ti karata kakwe ke?

Mutshawuteli 4:3

kanilezi lava va kalako va nga se kuva kona va katekile ku hunza vontlhe, hakuva a va wonangi a mitiro ya kubiha leyi yi mahiwako lahasi ka gambo.

Mutshawuteli 4:7

Nzi lo engeta nzi wona lezi zi nga nyawuliko lahasi ka gambo:

Mutshawuteli 5:16

Kambe kubiha ka hombe, lezaku i tlhelisa lezi a nga tisa zona; i bhinzu muni a nga nago hi ku tirela mheho ke?

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 6:12

Hakuva himani a nga tivako lezi zi sasekeleko munhu wutomini gakwe, a masiku wontihe ya kuhanya kakwe ku nga vuniko nchumu, lawa ma hunzako kukotisa nzhuti ke? Kambe himani a nga byelako munhu lezi zi ta ngava kona lahasi ka gambo, yena na a nga ha hi kona?

Mutshawuteli 7:11

A wutlhari gi nene ku fanana ni tshomba; gi hunza ni tshomba ka lava va wonako gambo.

Mutshawuteli 9:13

Nzi lo wona ginwani wutlhari lahasi ka gambo, gi nzi hlamalisileko nguvu:

Mutshawuteli 9:3

Loku hi kubiha xikari ka zilo zontlhe zi mahiwako lahasi ka gambo, hi lezaku xilo xinwe xi humela vontlhe. Ina, a timbilu ta vana va vanhu ti tele hi kubiha, a wuhunguki gi lomu timbilwini tabye kuhanyeni kabye; anzhako ka lezo vaya ka vafileko.

Mutshawuteli 9:6

A liranzo labye, ni livengo labye, ni wukhuxu gabye, zi fuvile; cima a va hi na xiavelo ni ka xihi xilo xi mahiwako lahasi ka gambo.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Habakuka 2:13

Kasi a hi Jehova wa tiyimpi a nge ngalo: A matiko ma tirela lezi zi ta nga hiswa hi nzilo, ni mifumo yi ti karatela mahala?

Habakuka 2:18

Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?

Mateu 16:26

Hakuva zi ta mu vuna yini munhu loku a bhinzula tiko gontlhe, a lahlekelwa hi muhefemulo wakwe ke?. A munhu i ta humesa yini ku tekisa muhefemulo wakwe ke? Tis. 49:7, 8

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

1 Va le Korinte 16:16

Ti koramiseni ka vanhu va kunghahi, ni ka vontlhe vatiri-kulori, va ti karatako ntirweni.