Mutshawuteli 1:2 - Tshwa Bible

² A kunganyawuli ka zinganyawuliko! ku wula Mukaneli. A kunganyawuli ka zinganyawuliko, zontlhe a zi nyawuli.

Mutshawuteli 1:2 Mawu Ofanana

Joba 11:12

Za tsanza ka xipumbu ku kuma wutlhari, Kota lezi zi tsanzako ka ximbongolana ku belekiwa na xi hi munhu.

Tisimu 144:4

Munhu o fana ni mhehwana, A masiku yakwe me khwatsi i nzhuti loʼwu hunzako.

Tisimu 89:47

Alakanya lezaku a xikhati xa mina xi komile, Lezaku vontlhe lava u va vangileko va hatla ku hunza.

Mutshawuteli 11:10

Hikwalaho, susa kukarateka mbilwini ya wena, u susa a kubayiseka ontlhe mirini wa wena; hakuva a wunwanana ni wujaha a zi nyawuli.

Mutshawuteli 11:8

Hambu loku munhu a hanya malembe yo tala, ngha a tsaka ka wona wontihe; kanilezi a a alakanye a masiku ya munyama, hakuva ma tava manyingi. Zontlhe lezi zi ta nga humelela a zi nyawuli.

Mutshawuteli 12:8

A kunganyawuli ka zinganyawuliko! ku wula Mukaneli. Zontlhe a zi nyawuli.

Mutshawuteli 2:11

Kanilezi laha nzi nga cuwukisa mitiro leyi a mandla ya mina ma yi mahileko, nzi alakanya a kukarateka loku nzi nga hi nako loku nzi yi maha, languta, zontlhe zi wa nga nyawuli, zi wa hi ku lanza mheho ntsena; ku wa nga hi na bhinzu lahasi ka gambo.

Mutshawuteli 2:15

Zonake nziku mbilwini ya mina: Khwatsi hi lezi zi mahekako ka xipumbu, zi ta mahekawu ka mina; loku zi hi tano za nzi vuna yini ku xi tlula hi kutlhariha? Nzite mbilwini ya mina: Lezi na zonawu a zi nyawuli!

Mutshawuteli 2:17

Hikwalaho nzi lo venga kuhanya, hakuva nzi lo tsanwa hi lezi zi mahiwako lahasi ka gambo; zontlhe a zi nyawuli, hi ku lanza mheho ntsena.

Mutshawuteli 2:19

Himani a nga tivako loku inaloyi a tava tlhari kutani xipumbu ke? Kasi hi yena a ta nga fumela ntiro wontihe wa mina lowu nzi ti karatileko ha wona, nzi kombisa ha wona wutlhari ga mina lahasi ka gambo. Lezo na zonawu a zi nyawuli.

Mutshawuteli 2:21

Hakuva hambu loku munhu a mahile a ntiro wakwe hi wutlhari ni wutivi ni kupinyama, i ta wu siyela munhu loyi a kalako a nga ti karatangi nchumu. Lezo na zonawu a zi nyawuli, kambe zi bihile nguvu.

Mutshawuteli 2:23

Wontihe masiku yakwe nja kubayiseka, ni ku ti karata kakwe i hlomulo; ina, ni laha wusikwini a mbilu yakwe a yi humuli. Lezo kambe a zi nyawuli, Joba 7:1; 14:1; Xip. 5:16

Mutshawuteli 2:26

Hakuva Nungungulu i nyika a wutlhari ni wutivi ni litsako ka munhu loyi a mu xalalisako; kanilezi a ka muonhi i mu nyika a ntiro wa ku hlengeletela ni ku wungeletela, kasi ku nyika loyi a xalalisako Nungungulu. Lezo kambe a zi nyawuli, hi ku lanza mheho ntsena.

Mutshawuteli 2:8

Nzi lo hlengeletela siliva ni nzalama ni titshomba ta tihosi ni ta matiko; nzi ti lavela ziyimbeleli za xinuna ni za xisati, ni lezi zi tsakisako vanhu, va nga vasati laʼvanyingi. 1 Tih. 10:11; 2 Kro. 9:10

Mutshawuteli 3:19

Hakuva a xiavelo xa vana va vanhu xa fana ni lexi xa zihari, xiavelo xinwe. Kota lezi munhu a fako, ni xihari xa fawo; i moya munwe wu nga kona ka yena ni ka xona. Hikwalaho a munhu a nga hunzi xihari; hakuva zontlhe a zi nyawuli.

Mutshawuteli 4:16

a vanhu lava a nga hi hehla kabye a va nga hi na magumo, kanilezi lava va ta ngata hi lenzhako cima va nga ta mu tsakela. Hizinene, na zonawu lezi a zi nyawuli, ku lanzela mheho ntsena.

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Mutshawuteli 5:10

Loyi a ranzako mali a nga kolwi hi mali, Ni loyi a ranzako kufuma a uga kolwi hi bhinzu. Lezo kambe a zi nyawuli. Joba 20:18; Tis. 49:10; Hag. 1:6

Mutshawuteli 6:11

Na ku woneka lezaku a kuwulawula ko tala ku anzisa za kunganyawuli, a munhu i bhinzula yini ha kona ke?

Va le Roma 8:20

Hakuva zivangwa zi vekilwe lahasi ka zi nga nyawuliko, na ku nga hi kuranza ka zona, kanilezi hi kota ya yena loyi a nga zi veka hasi; Gen. 3:19