Mutshawuteli 1:13 - Tshwa Bible

¹³ Nzi lo nyiketela a mbilu ya mina a ku hlotisisa hi wutlhari a zilo zontlhe lezi zi mahiwako lahasi ka tilo; i ntiro wo bayisa lowu Nungungulu a wu nyikileko ka vanana va vanhu lezaku va ti karata ha wona. 1 Tih. 4:29

Mutshawuteli 1:13 Mawu Ofanana

Genesisi 3:19

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

Joba 28:3

A munhu a fuvisa munyama; a hlolisisa kueteni lomu hasi, A kuma a maribye ma fihlilweko munyameni ni nzhutini wa kufa.

Tisimu 111:2

A mitiro ya Jehova nja hombe, Yi ehleketiwa hi vona lava va yi tsakelako.

Mavingu 18:1

A munhu loyi a ti hambanyisako ni vanwani i hlota ku ti tsakisa ntsena; a hlokolokela zontlhe lezi zi nga ni fanelo.

Mavingu 18:15

A mbilu ya munhu a tlharihileko ya kuma wutivi; i ndleve ya tlhari yi hlota wutivi.

Mavingu 23:26

Nwananga, nzihe mbilu ya wena; i mahlo ya wena ngha ma tsakiswa hi tindlela ta mina.

Mavingu 25:2

Wudzunzo ga Nungungulu a ku fihla xilo; anilezi a wudzunzo ga tihosi hi ku kambisisa a mhaka. Rom. 11:33

Mavingu 4:7

A wutlhari xilo xo ranga, gi lave; ava kupimisisa hi zontlhe lezi u nga nazo.

Mutshawuteli 1:17

Kanilezi laha nzi nga nyiketela mbilu ya mina a ku tiva wutlhari, ni lihuhi, ni wupumbu, nzi lo wona lezaku lezi kambe ku lanza mheho ntsena.

Mutshawuteli 11:5

Khwatsi hilezi u nga tiviko a ndlela ya mheho, hambu ni mawumbela ya marambu lomu rumbyini ga loyi a nga ni nyimba, zinghaho cima a ku tivi mitiro ya Nungungulu loyi a mahako zilo zontlhe.

Mutshawuteli 12:12

Ni kambe, nwananga, ngha u vumela ku lulekiwa: A ku tsala mabhuku yo tala a ku na magumo, ni kugonza nguvu ku karata miri.

Mutshawuteli 2:23

Wontihe masiku yakwe nja kubayiseka, ni ku ti karata kakwe i hlomulo; ina, ni laha wusikwini a mbilu yakwe a yi humuli. Lezo kambe a zi nyawuli, Joba 7:1; 14:1; Xip. 5:16

Mutshawuteli 2:26

Hakuva Nungungulu i nyika a wutlhari ni wutivi ni litsako ka munhu loyi a mu xalalisako; kanilezi a ka muonhi i mu nyika a ntiro wa ku hlengeletela ni ku wungeletela, kasi ku nyika loyi a xalalisako Nungungulu. Lezo kambe a zi nyawuli, hi ku lanza mheho ntsena.

Mutshawuteli 3:10

Nzi wonile a mitiro leyi Nungungulu a nyikileko vanana va vanhu lezaku va ti karata ha yona.

Mutshawuteli 3:11

I mahile zontlhe zi sasekile hi xikhati xa zona; kambe i vekile timbilwini tabye ku alakanya xikhati xi nga mbheliko; hambu zi hi tano, a nga kona munhu a tivako ntiro lowu Nungungulu a wu mahileko, a masangulo ya wona ni magumo ya wona.

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Mutshawuteli 7:25

Nzi lo nyiketela a mbilu ya mina ku tiva ni ku hlotisisa, ni ku kambisisa wutlhari ni tshinya ga timhaka, ni ku tiva wupumbu ga kubiha, ni lezaku wupumbu lihlanyi.

Mutshawuteli 8:9

Zontlhe lezo nzi zi wonile laha nzi nga ehleketa hi yontlhe mitiro leyi yi mahiwako lahasi ka gambo, a xikhatini lexi munwe a fumela munwani a mu yisa khombyeni.

1 Timote 4:15

Pangama mitirweni leyi, u ti nyikela gontlhe wutsumbu ga wena ka yona; kasi a kuya mahlweni ka wena ka woneka ka vanhu vontlhe.