Mitsengo 9:16 - Tshwa Bible

¹⁶ Ku lo mahisa lezo masiku wontihe; a refu gi wa fenengeta a tabemakeli, ni laha wusikwini ku wa ku khwatsi i nzilo.

Mitsengo 9:16 Mawu Ofanana

Nehemia 9:12

Tlhatakumbiri, u lo va rangela hi mhinga ya refu ni hlikanhi, laha wusikwini u va rangela hi mhinga ya nzilo, kasi ku va woningela ndleleni leyi va faneleko ku famba ha yona.

Nehemia 9:19

kanilezi wena hi wuxinji ga wena go eta, a ku va tsikangi lomu xiwuleni. Laha hlikanhini a mhinga ya refu a yi tsikangi ku va rangela ndleleni yabye, ge hambu a mhinga ya nzilo a ku tsika ku va woninga a ndleleni leyi va nga wa fanele ku famba ha yona.

Tisimu 105:39

I lo andlala refu gi va fenengeta, Ni nzilo wo va woningela ni wusiku. Ekso. 13:21; 14:19

Tisimu 78:14

Ni hlikanhi i lo va rangela hi refu, Ni wusiku gontlhe hi kuwonekela ka nzilo. Ekso. 13:21

Eksodusi 40:34

Zonake a refu gi lo fenengeta a tenda ga mutlhangano, hakuva a refu gi wa hi hehla ka gona, ni kuhatima ka Jehova ku tata a tabernakeli,

Eksodusi 40:38

Hakuva a refu ga Jehova gi wa tshama hehla ka tabernakeli laha hlikanhini; zonake ni wusiku ku woninga a nzilo hi lomu refini mahlweni ka yontlhe a yindlu ya ka Israeli, lomu pfhumbeni gabye gontlhe. Deut. 1:33; Neh. 9:19; 1 Kor. 10:1

1 Va le Korinte 10:1

Vamakabye, nza ranza lezaku mu zi tiva ku ngalo, a vakoko vontlhe va hina va wa hi lahasi ka refu, vontlhe va lo tsemakanya bimbi; Ekso. 13:21; 14:22; Isa. 63:11

2 Va le Korinte 5:19

hakuva Nungungulu i wa hi ka Kristu loku a tlhanganyisa tiko zinwe naye, lezaku a nga ha va hlayeli a zihambuko zabye; makunu i hi nyikile a mhaka ya kutlhanganyisa. Isa. 43:25; Rom. 3:25

Deuteronome 1:33

loyi a fambako mahlweni ka nwina lomu ndleleni, a mu lavela a wutshamu go gwimba matenda, ni ku mu kombisa ndlela laha wusikwini hi nzilo, ni laha hlikanhini hi refu.

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16