Mitsengo 9:13 - Tshwa Bible

¹³ Kanilezi loku munhu a hlazekile, ni loku a nga enzangi, a tsika kuga Pasika, loye munhu i ta tsemiwa ka va ka kabye, hakuva a nga humesangi a munyikelo wa Jehova hi xikhati xa wona; loye munhu i ta rwala a nanzu wakwe yena nwinyi.

Mitsengo 9:13 Mawu Ofanana

Genesisi 17:14

A wanuna loye a nga khuna, a nga hiko kwera hi dewu ga nyama ya magumo kakwe, loye munhu i ta suswa xikari ka va ka kabye, hakuva i tshovile a xivumelwano xa mina.

Eksodusi 12:15

Ntlhanu wa masiku hi mambiri mu taga zibaba zi nga hiko na comelo; hi siku go ranga mu ta humesa a comelo lomu tindlwini ta nwina; Hakuva loye a ta ngaga a zibaba zi comelweko, kusukela siku go sangula kala siku ga wuntlhanu ni mambiri, loye munhu i ta tsemiwa xikari ka vaIsraeli.

Eksodusi 12:19

Lomu ka masiku ya ntlhanu ni mambiri ku nga dzuki ku kumiwa a comelo lomu tindlwini ta nwina, hakuva loyi a gako lezi zi comelweko, i ta tsemiwa lomu hlengeletanweni ya va ka Israeli, hambu loku a hi muluveli, kutani na nga xisumbulwa xa nwina.

Eksodusi 12:47

Wontihe hlengeletano wa ka Israeli wu ta maha lezo.

Eksodusi 30:33

Kani hi wihi a mahako yo fanana ni laya, kutani loyi a totako wamatiko ha wona, i ta humeswa xikari ka lixaka labye.

Eksodusi 30:38

Kani hi wihi a mahako a yo fanana ni laya, a kuva ma nuhela ka yena, i ta humeswa xikari ka lixaka la ka kabye.

Ezekieli 23:49

Va ta mu tlhelisela a kubiha ka nwina, mu tava ni nanzu wa zionho za zifananiso za nwina; zonake mu ta zi tiva lezaku hi mina Hosi Jehova,

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Levi 17:4

na a nga yi nehi laha nyangweni ya tabemakeli ga mutlhangano, a kuva a yi nyikela ka Jehova mahlweni ka wutshamu ga kubasa ga Jehova, i tava ni nanzu wa nkhata: hakuva i halatile a nkhata: loye munhu i ta susiwa xikari ka vanhu va ka kabye.

Levi 20:20

Loku munhu a bhaya ni sati wa nakulobye wa raru wakwe, a funungula wumbyiri ga nakulobye wa raru wakwe; vona va ta rwala a milanzu yabye; va tafa na va nga hi na vanana.

Levi 22:9

Hikwalaho va ta hlayisa milayo ya mina, kasi va nga kumi nanzu hi kota ya lezi zilo, vafa hi kota ya ku ti nyenyezisa kabye. Hi mina Jehova loyi a va basisako.

Levi 24:15

U ta byela a vanana va ka Israeli, uku: Kani hi wihi a rukatelako Nungungulu wakwe, i ta rwala a kuonha kakwe.

Mitsengo 19:13

Loyi a khumbako a xirumbi xa munhu a nga ti basisi, i nyenyezisile a yindlu ya Jehova. Loye munhu i ta tsemiwa xikari ka va ka Israeli, hilezi a nga nwatsekelwangi a mati ya kubasisa; wa ha yilile, a kunyenyeza kakwe ka ha hi hehla kakwe.

Mitsengo 19:20

Kanilezi a munhu loyi a nga hlazekangiko a nga ti basisi, a munhu loye i ta tsemiwa xikari ka tlhangano, hakuva i nyenyezisile a wutshamu ga kubasa ga Jehova; ni mati ya kubasisa a ma nwatsekelwangi hehla kakwe, i nyenyezile.

Mitsengo 5:31

Ni wanuna a nga ta kuva ni nanzu, kanilezi a wasati i ta rwala a nanzu wakwe.

Mitsengo 9:7

va taku: Hi nyenyezisilwe hi xirumbi; xana hi ta alelwa ku nyikela munyikelo wa Jehova hi xikhati xi yimisilweko xikari ka vanana va ka Israeli ke?

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Maheberu 6:6

zonake va tlhela vawa, a zi koteki lezaku va tlheliselwa kambe kuhunzulukeni, kota lezi va ti belelako luswa a Nʼwana wa Nungungulu, va mu vangela tingana.

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24