Mitsengo 9:12 - Tshwa Bible

¹² Va nga dzuki va siya nchumu xi chikela manziko, va nga fayi marambu ya yona hambu ni ginwe; a Pasika yi fanele ku giwa kukotisa a zileletelo za yona.

Mitsengo 9:12 Mawu Ofanana

Eksodusi 12:10

Mu ngo siyi ni nchumu xo chikela manziko; lezi zi ta nga sala hisani ni mixo, mu zi hisa laha nzilweni.

Eksodusi 12:43

Zonake Jehova aku ka Mosi na Aroni: A xiyimiso xa Pasika hi lexi: Ngha ku nga hi kona muluveli xikari ka nwina a ta ngaga Pasika;

Eksodusi 12:46

Yi ta gelwa lomu ndlwini; u nga humi lahandle ni nyama ya kona, mu nga dzuki mu tshova a rambu ga kona. Mitse. 9:12; Joh. 19:36

Eksodusi 12:8

Gona wusiku gwalego a vage a nyama yi wocilweko; vaga zinwe ni zibaba zi nga hiko na comelo, ni matluka yo bava.

Eksodusi 40:38

Hakuva a refu ga Jehova gi wa tshama hehla ka tabernakeli laha hlikanhini; zonake ni wusiku ku woninga a nzilo hi lomu refini mahlweni ka yontlhe a yindlu ya ka Israeli, lomu pfhumbeni gabye gontlhe. Deut. 1:33; Neh. 9:19; 1 Kor. 10:1

Mitsengo 9:3

Mu ta yi maha hi xikhati lexi xi yimisilweko, hi siku ga 14 ga leyi hweti, laha gambyeni; mu ta yi maha hi milayo ya kona yontlhe ni zileletelo za yona zontlhe. Ekso. 12:18; Levi 23:5; Deut. 16:1

Johani 19:36

Hakuva lezi zi lo maheka, kasi wu fela ku tatiseka a mutsalo, lowu wu nge ngalo: Ku nga ta tshobyiwa ni rambu gihwe ka yena. Ekso. 12:46; Mitse. 9:12; Tis. 34:20