Mitsengo 8:12 - Tshwa Bible

¹² Ni vaLevi va ta tlhateka mandla yabye hehla ka tihloko ta tinkuzi, zonake u ta teka yinwe nkuzi u maha ha yona a muphahlelo wa kuonha, ni yinwani u maha a muphahlelo wa kuhiswa ka Jehova, kasi a vaLevi va fela ku mahelwa nzhiho.

Mitsengo 8:12 Mawu Ofanana

Eksodusi 29:10

Zonake u ta tshineta a rogana mahlweni ka tenda ga mutlhangano, Aroni ni vana vakwe va ta tlhateka mandla laha hlokweni ya gona.

Levi 1:4

I ta tlhateka a canja gakwe le hlokweni ya munyikelo wo hiswa, zonake yi ta amukelwa a mahelwa a nzhiho ha yona.

Levi 14:22

ni matuva mambiri, kutani mavinyani mambiri ya zipomba, kota lezo a ta nga zi kuma; ginwani gi tava ga muphahlelo wa kuonha, ni ginwani gi tava ga muphahlelo wa kuhiswa.

Levi 16:11

Na Aroni i ta neha a nkuzi ya muphahlelo wa kuonha, leyi yakwe wutsumbu, a ti mahela a nzhiho zinwe ni ngango wakwe; a yi tlhava a nkuzi yakwe ya muphahlo wa kuonha.

Levi 16:21

Aroni i ta tlhateka mandla yakwe laha hlokweni ya mhongo leyi yi hanyako, zonake i ta wulela hehla ka yona zontlhe zionho za vanana va ka Israeli, ni milanzu yabye yontlhe, hambu ni xihi xihambuko i ta xi veka hlokweni ya mhongo, zonake yi ta heleketwa le xiwuleni hi munhu loyi a yimiselweko ntiro lowo.

Levi 16:6

Aroni i ta humesa a nkuzi yakwe ya muphahlelo wa kuonha, a ti mahela a nzhiho zinwe ni ngango wakwe.

Levi 4:15

A masingalakati ya ntlhangano ma ta tlhateka a mandla yabye hlokweni ya nkuzi mahlweni ka Jehova, zonake yi tlhabyiwa mahlweni ka Jehova.

Levi 4:20

I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.

Levi 4:35

I ta susa mafura wontihe hi ndlela leyi va susako ha yona a mafura ya yivu ya muphahlo wa kurula, zonake a mupristi a ma hisa alatini, hehla ka miphahlelo leyi yi hiselwako Jehova. A mupristi i ta mu mahela a nzhiho wa kuonha kakwe, zonake i ta tsetselelwa.

Levi 4:4

I ta neha a honwana laha nyangweni ya tabemakeli ga mutlhangano, a mahlweni ka Jehova; i ta tlhateka a canja gakwe hlokweni ya honwana, zonake a yi tlhava mahlweni ka Jehova.

Levi 5:7

Kasi loku a vumala a yivu kutani i mbuti, i ta neha ka Jehova a muphahlo wa xionho xakwe a matuva mambiri, kutani mavinyani mambiri ya zipomba, ginwe ga muphahlo wa kuonha, ni ginwani ga muphahlo wa kuhiswa.

Levi 8:14

I lo neha a nkuzi ya muphahlo wa kuonha, Aroni ni vana vakwe va lo tlhateka a mandla yabye hlokweni ya nkuzi ya muphahlo wa kuonha.

Levi 8:15

Mosi i lo yi tlhava, a teka a nkhata wa kona, laha na petile litiho lakwe lomu nkhateni i lo tota timhonzo ta alati matlhelo wontihe, a basisa a alati; zonake i lo chulula a nkhata lahasi ka alati, a gi basisa kasi gi fela ku mahelwa a nzhiho.

Levi 8:18

Zonake i lo neha a hamba ya munyikelo wa kuhiswa; Aroni ni vana vakwe va lo tlhateka mandla yabye hlokweni ya hamba.

Levi 8:34

Lezi zi mahilweko nyamutlha, Jehova i lo leletela lezaku mu mahelwa a nzhiho wa wuyiselelo.

Levi 9:7

Mosi aku ngalo ka Aroni: Tshinela laha alatini u nyikela a muphahlo wa wena wa kuonha, ni muphahlo wa kuhiswa, u ti mahela muphahlo wa nzhiho wa wena, ni wa vanhu; u ta nyikela a muphahlo wa vanhu, u maha a nzhiho wa wuyiselelo wa wena wutsumbu ni wa vanhu khwatsi hi lezi Jehova a leleteleko.

Mitsengo 6:14

Zonake i ta nyikela ka Jehova a yivana ya lembe ginwe a wukale, leyi yi nga hiko na bawa; yi tava munyikelo wa kuhiswa, ni yivu ya lembe ginwe a wukale ya nkati, leyi yi nga hiko na bawa, yi tava ya muphahlelo wa kuonha, ni hamba yi nga hiko na bawa, yi tava muphahlelo wa kubonga.

Mitsengo 6:16

A mupristi i ta zi neha mahlweni ka Jehova, zonake i ta nyikela a muphahlelo wakwe wa kuonha, ni munyikelo wakwe wa kuhiswa.

Mitsengo 8:13

U ta yimisa a vaLevi mahlweni ka Aroni ni mahlweni ka vana vakwe, zonake u ta va nyikela va maha munyikelo wu nziwitelweko wa Jehova.

Mitsengo 8:8

Zonake va ta teka a role zinwe ni muphahlo wa zakuga; ma nga mapa yo saseka, ma vuvilweko hi mafura, u teka ni ginwani role ga muphahlo wa kuonha.

Maheberu 9:22

Ko khwatsi hi nayo a zilo zontlhe zi basiswa hi nkhata; a handle ka kuhalatwa ka nkhata a ku kona kutsetselelwa ka zionho. Levi 17:11