Mitsengo 6:23 - Tshwa Bible

²³ Byela Aroni ni vana vakwe, uku ngalo kabye: Mu ta katekisa a vanana va ka Israeli, muku ngalo kabye:

Mitsengo 6:23 Mawu Ofanana

Genesisi 24:60

Va lo mu katekisa Rebeka, vaku ka yena: Wena makweru, ngha ma hi mazana ya mazana ya tsanza-vahlayi a pswalo wa wena, ni pswalo wa wena a wu wutle tinyangwa ta valala vabye.

Genesisi 47:10

Jakobe i lo salisa Faro, zonake i lo suka mahlweni kakwe.

Genesisi 47:7

Zonake Josefa i lo neha Jakobe, a raru wakwe, ka Faro. Jakobe i lo losa Faro.

Genesisi 48:20

Hikwalaho i lo va katekisa lego siku, aku: A vaIsraeli a va wule hi kukateka ka wena, vaku: Nungungulu a ku mahe kota Efraime ni ku kota Manasse. Zi wa nghaho i lo yimisa Efraime mahlweni ka Manasse.

1 Tihosi 8:55

zonake a katekisa a hlengeletano wontihe wa ka Israeli hi gezu ga hombe, aku:

1 Kronekele 23:13

A vana va Amrama: Aroni, na Mosi. Aroni i lo hlayiwa tlhelweni, kasi a fela ku hlawulwa a kuva wa kubasa zinwe ni vanana vakwe kala kupinzuka, kasi va fela ku hisa tibani mahlweni ka Jehova, va mu khozela ni ku katekisa vanhu hi vito gakwe kala kupinzuka. Ekso. 6:20; Mitse. 6:23; Maheb. 5:4

2 Kronekele 30:27

Zonake a vapristi va nga vaLevi, va lo suka va katekisa vanhu, ni gezu gabye gi lo ingiswa; a mukombelo wabye wu lo chikela wutshanwini ga Jehova go basa le tilweni.

Eksodusi 39:43

Mosi i lo cuwuka wontihe ntiro, languta,, va wa mahile khwatsi hilezi Jehova a nga leletelisa zona, va wa mahile zalezo. Zonake Mosi i lo va katekisa.

Mitsengo 6:22

Jehova i lo wulawula ka Mosi, aku:

Va le Roma 1:7

Mina Paule nza rungula nwina nwentlhe mu nga le Roma, nwina varanziwa va Nungungulu mu vitanilweko a kuva vobasa, nziku: A tipswalo ni kurula a zive na nwina, zi tako hi ka Nungungulu Dadani wa hina ni ka Hosi Jesu Kristu.

1 Va le Korinte 1:3

A tipswalo a tive ka nwina ni kurula ka le ka Nungungulu a Dadani wa hina, ni ka Hosi Jesu Kristu.

2 Va le Korinte 13:14

A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.

Deuteronome 10:8

Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.

Deuteronome 21:5

Ni vapristi, a vana va Levi, va ta tshinela kusuhani, hakuva hi vona lavo Jehova Nungungulu wa wena a va hlawulileko a ku tira ku khozela yena, ni ku katekisa hi vito ga Jehova; hikwalaho a milomu yabye yi ta lamula ni ku rulisa tontlhe timholova ni mahungu wontihe ya ku balesana tiphanja.

Deuteronome 33:1

Lexi hi xikatekiso xa Mosi, a munhu wa Nungungulu, lexi a nga katekisa ha xona a vanana va ka Israeli na a nga se kufa, aku:

Maheberu 7:1

Melkizedeki loyi a nga hi hosi ya le Salema, tlhelo mupristi wa Nungungulu a nga Hehla-hehla, yena i lo tlhangana na Abrahama na a wuya hi le ko daya tihosi, a mu katekisa. Gen. 14:18

Maheberu 7:7

Makunu a ku na ku kanetwa lezaku loyi tsongwani i katekiswa hi loyi wa hombe.

Joxua 8:33

Zonake vontlhe va ka Israeli ni masingalakati yabye, ni tinduna tabye, ni valamuli vabye, va lo yima matlhelweni mambiri ya nghaxa na va cuwukene ni vapristi ni vaLevi lava va rwalako a nghaxa ya xivumelwano xa Jehova; ni valuveli va wa hi zinwe ni zisumbulwa. Zonake a khihlanya gi wa hi tlhelweni ga xitsunga xa Gerizima, ni khihlanya gi wa hi tlhelweni ga xitsunga xa Ebale, khwatsi hi lezi Mosi, a nanza ga Jehova, a leleteleko ku katekisa a vanhu va ka Israeli kusanguleni.

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22

2 Johani 1:3

A tipswalo ni wuxinji ni kurula, lezi zi tako hi le ka Nungungulu Dadani, ni ka Jesu Kristu a Nʼwana wa Dadani, zi ta tshama na hina zineneni ni liranzweni.