Mitsengo 6:2 - Tshwa Bible

² Byela a vanana va ka Israeli, uku ka vona: Loku munhu, kani ngwanuna kutani ngwasati, a ti hlawutela ku ti nyikela ka Jehova hi ku hlambanya ku maha muNazira,

Mitsengo 6:2 Mawu Ofanana

Eksodusi 33:16

Zi ta tibyiswa kuyini lezaku mina ni vanhu va wena hi kumile thomo mahlweni ka wena? Xana a hi loku u famba zinwe na hina ke? Zi nga lezo mina ni vanhu va wena hi ta nga woneka na hi hambene ni vontlhe vanhu lava va nga laha misaveni.

Mavingu 18:1

A munhu loyi a ti hambanyisako ni vanwani i hlota ku ti tsakisa ntsena; a hlokolokela zontlhe lezi zi nga ni fanelo.

Jeremia 35:6

Kanilezi va lo hlamula vaku: A hinwi vinya, hakuva Jonadaba nʼwana Rekabe, a dadani wa hina, i hi layile, aku: Mu nga dzuki munwa a vinya, nwina ni vana va nwina kala kupinzuka. 2 Tih. 10:15

Levi 20:26

Nwina mu tava va basileko ka mina, hakuva mina Jehova nzi basile; nzi mu hambanyisile xikari ka manwani matiko, kasi mu fela kuva vanhu va mina.

Levi 27:2

Byela a vanana va ka Israeli, uku ka vona: Loku munhu a ti bohile hi kuhlambanya, lezaku i ta nyikela ka Jehova a mali yi ringanako ni tsengo wa munhu wa kona, u ta hlaya kota lezi;

Mitsengo 30:3

Loku wasati a ti bohile ka Jehova hi kuhlambanya, ni loku a ti bohile hi gezu gakwe na ha hi ndlwini ya raru wakwe, xikhatini xa wuswa gakwe; Levi 27:2; Deut. 23:21

Mitsengo 6:1

Jehova i lo wulawula ka Mosi, aku:

Luka 1:15

hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

Mitiro 18:18

Paule na a tshamile kona a masiku yo tala, i lo onekana ni vamakabye, a famba hi taru aya Siria, zinwe na Prisila na Akwila; na a cingile hloko le Kenkrea, hakuva i wa ti bohile hi kuhlambanya. Mitse. 6:18; Xip. 21:24; Rom. 16:1

Va le Roma 1:1

Paule, a nanza ga Jesu Kristu, nzi vitanilweko a kuva mupostoli, nzi bambanyiselwa ku kanela ivangeli ya Nungungulu, 1 Tim. 1:11; Miti. 9:15

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Va le Galatia 1:15

Kanilezi Nungungulu loyi a nga nzi hlawula na nzi hi rumbyini ga mamani, a nzi vitana hi tipswalo takwe, Isa. 49:1, 5; Jer. 1:5; Miti. 9:15; 13:2

Maheberu 7:27

loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10

Valamuli 13:14

A ngagi a xilo xi humako hi ka vina, a nganwi vinya hambu byala; kambe a ngagi a xilo xi nga hlazekangiko. A hlayise zontlhe lezi nzi mu leleteleko zona.

Valamuli 13:4

Kanilezi ti wonele makunu. U nga hanwi vinya, ni byala; kambe u ngagi lezi zi nga hlazekangiko, Mitse. 6:2; 1 Sam. 1:11; Lu. 1:15

Valamuli 13:5

Hakuva u ta xura nyimba, u pswala nisanyana. Ni likari li nga dzuki li khumba hloko yakwe, hakuva a nwanana loye i ta maha muNazirita wa Nungungulu kusukela rumbyini ga nyine wakwe. Hi yena a ta nga sangula ku hlanguta va ka Israeli mandleni ya vaFilistia.

Valamuli 16:17

I lo mu byela zontlhe za mbilu yakwe, aku: Hi cima, a nzi se ringiwa a hloko ya mina hi likari, hakuva nzi muNazirita wa Nungungulu, kusukela rumbyini ga mamani wa mina. Hikwalaho loku nzi ringiwa, a ntamu wa mina wu ta mbhela, nzi rereka ku fanana ni vanwani vanhu. Mitse. 6:5

1 Samueli 1:28

Hikwalaho minawu nza mu nyikela ka Jehova. Wontihe masiku ya kuhanya kakwe i tava loyi a lumbako Jehova. Zonake va lo khizamela Jehova.