Mitsengo 35:22 - Tshwa Bible

²² Kanilezi loku a mu nikinyile hi mhango, na ku hi hava livengo, kutani loku a mu hoxile a xilo hi mhango, na ku nga hi ha womu;

Mitsengo 35:22 Mawu Ofanana

Eksodusi 21:13

Loku a nga mu dayangi ha womu, kanilezi na hi Nungungulu a mu nyikeleko canjeni gakwe, nzi ta ku lavela wutshamu laho a ta nga tsutsumela kona.

Mitsengo 35:11

mu ta hlawula a miti leyi yi ta ngava ya wuponelo ga nwina, kasi a mudayi loyi a deleko a munhu hi mhango i ta zi kota ku chavela lomo.

Mitsengo 35:20

Ni loku munhu a nikinya makabye wakwe hi livengo, kutani a mu hoxa a xilo ha womu zonake afa,

Mitsengo 35:21

kutani a muba hi canja gakwe hi livengo zonake afa, ni loyi a mu bileko i ta dawawu, hakuva mudayi; ni muphoteli i ta daya a mudayi loye loku a kumana naye.

Mitsengo 35:23

hambu loku a mu hoxile a ribye legi gi dayako na a nga mu woni zonake afa na cima a nga hi nala wakwe, ge hambu ku xuva ku mu lamata,

Deuteronome 19:5

khwatsi hi loku a munhu a famba khwatini ni wakelane wakwe, a ku ya tsema tihunyi, ni canja gakwe gi tlakusa xihloka ku tsema sinya, ni xihloka xi kunuka lomu ka mbhinyi xiya tsema wakelane wakwe, afa. A munhu loye i ta tsutsumela ka munwe wa leyi miti, a hanya.

Joxua 20:3

Kasi loyi a dayako munhu hi kuhoheta, na ku nga hi ku maha ha womu, i ta zi kota ku tsutsumela ka yona: yona yi tava wuponelo ga nwina ka muphoteli wa nkhata.

Joxua 20:5

Loku muphoteli wa nkhata a mu lanza, vona va nga ta mu nyikela loye mudayi mandleni yakwe, hakuva a nga dayangi muakelane wakwe ha womu, ge cima yena i wa nga mu vengi hi mahlweni ka xikhati.