Mitsengo 34:2 - Tshwa Bible

² Leletela a vanana va ka Israeli uku ngalo: Loku mu chikela tikweni ga le Kanani, gi nga gona tiko lego gi nga tshomba ya nwina (a tiko ga Kanani hi mimbhingano ya gona),

Mitsengo 34:2 Mawu Ofanana

Genesisi 10:19

Ni mbhingano wa maKanani wu wa sangula Sidoni wu komama Gerari, wu kala wuya chikela le Gaza, wu komama le Sodoma ni le Gomora, ni le Adma; ni le Zeboime wu kala wuya chikela le Laxa.

Genesisi 17:8

Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.

Tisimu 105:11

Aku: Nzi ta ku nyika a tiko ga Kanani, Lezaku giva tshomba ya wena.

Eksodusi 23:31

Nzi ta panza a mbhingano wa wena kusukela Bimbini go Pswhuka kala bimbini ga maFilistia, ni kusukela xiwuleni kala ku chikela congweni; hakuva nzi ta mu hlulela a vaaki va tiko lego; mu ta va hlongola mahlweni ka nwina. Gen. 15:18; 1 Tih. 4:21

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Ezekieli 47:13

Hosi Jehova i ngalo: Lowu wu tava a mbhingano wu ta nga avanyisa a misava leyi yi ta nga avelwa ka khume ga tixaka ni timbiri ta ka Israeli, Josefa i tava ni zipanze zimbiri. Gen. 48:5; Mitse. 34:2; Jox. 17:17

Ezekieli 47:14

A ziavelo za munwe ni munwani zi ta ringana, hakuva nzi hlambanyile hi ku tlakusa canja ga mina, lezaku nzi ta gi nyika ka vakoko va nwina; makunu gona tiko gi ta maha tshomba ya nwina. Gen. 12:7; 17:8; 26:3; 28:13

Mitsengo 34:1

Jehova i lo wulawula ka Mosi, aku:

Mitiro 17:26

I lo maha tixaka tontlhe ta vanhu ti huma ka nyapanze munwe, a kuva ti aka misaveni yontlhe; na a tiyisile a zikhati za tona zi yimisilweko, ni mimbhingano ya kuaka ka tona;

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Va le Efesusi 1:14

lowu wu nga seve wa tshomba ya hina, kala va tirulwa lava Nungungulu a nga ti kumela vona, kasi ga dumiswa a wudumo gakwe. Miti. 20:28; Rom. 8:23; 2 Kor. 5:5

Va le Efesusi 1:18

Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18

Joxua 11:23

Zinghaho Joxua i lo khozisa tiko gontlhe, khwatsi hi lezi Jehova a wulileko ka Mosi; zonake Joxua i lo gi nyika ka va ka Israeli, gi maha tshomba yabye, i lo nyika ka nyangwa ni nyangwa kotisa kuavelwa kabye. Ni tiko gi lo humula kulwa.

Joxua 13:1

Makunu Joxua i wa khosahele, ni kuva ni malembe yo tala, Jehova a ku ngalo kakwe: Wena u wa kale, u na ni masiku ya kutala, kanilezi ka ha sele a tiko ga hombe, legi gi fanelako ku khoziswa.

Joxua 21:43

Zinghaho Jehova i lo nyika ka Israeli gontlhe a tiko legi a nga wa hlambanyile ka vararu vabye a ku va nyika gona, zonake va lo gi amukela, va tshama ka gona.