Mitsengo 33:53 - Tshwa Bible

⁵³ Mu ta teka a tiko mu aka ka gona, hakuva mina nzi mu nyikile a tiko lego a kuva tshomba ya nwina.

Mitsengo 33:53 Mawu Ofanana

Genesisi 15:7

Yena i te ngalo ka yena: Hi mina Jehova loyi a nga ku humesa le Ure wa maKaldea, kasi nzi ku nyika legi tiko kuva tshomba ya wena.

Tisimu 115:16

A matilo nja Jehova, Kanilezi a misava i yi nyikile ka vanana va vanhu.

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Mateu 20:15

A zi faneli a kuva nzi maha lezi nzi zi ranzako hi za mina nwinyi ke? kutani a tihlo ga wena gi bihile hilezi nzi nga nene ke? Rom. 9:21

Deuteronome 11:31

Hakuva mu ta tlhatuka Jordani mu ya teka a tiko legi Jehova Nungungulu wa nwina a mu nyikileko ku gi fumela, ni ku aka ka gona.

Deuteronome 17:14

Laha u ta nga chikela tikweni legi Jehova Nungungulu wa wena a ku nyikileko gona ku gi fumela ni ku aka ka gona, loku wena u alakanya ku ngalo: Nzi lava ku ti yimisela hosi, kota manwani matiko lawa ma nzi ranzelekeleko; 1 Sam. 8:5

Deuteronome 3:18

Ka xona xikhati lexo mina nzi mu leletele, nziku: Jehova Nungungulu wa nwina i lo mu nyika a tiko legi a kuva ga nwina. Nwina nwentlhe vavanuna va tinhenha mu ta famba na mu hlomile mahlweni ka vamakabye va nwina, a vanana va ka Israeli.

Deuteronome 32:8

Loku Loyi a nga Hehla-hehla a nyikileko matiko a tshomba ya wona, Laha yena na a hambanyisile a vanana va vanhu, I lo tsala mimbhingano ya vanhu Khwatsi hi wunyingi ga vanana va ka Israeli.

Deuteronome 7:17

Loku u wula lomu mbilwini ya wena ku ngalo: Matiko lawa ma nzi hunza hi kutala; nzi ta va wutlelisa kuyini a tiko ke?

Joxua 1:6

Tiyisa mbilu, uva ni ntamu, hakuva hi wena u ta nga avela lava vanhu a tiko legi nzi hlambanyileko ka vararu vabye a ku va nyika gona.

Joxua 21:43

Zinghaho Jehova i lo nyika ka Israeli gontlhe a tiko legi a nga wa hlambanyile ka vararu vabye a ku va nyika gona, zonake va lo gi amukela, va tshama ka gona.

Joxua 23:5

Na Jehova Nungungulu wa nwina i ta va panzanya yena wutsumbu mahlweni ka nwina, i ta va wutlela tiko mahlweni ka nwina, na nwina mu ta va ni tiko gabye khwatsi hi lezi Jehova Nungungulu wa nwina a wulileko ka nwina. Ekso. 14:14; 23:27