Mitsengo 33:52 - Tshwa Bible

⁵² mu ta hlongola vontlhe vaaki va tiko mahlweni ka nwina, mu hangalasela zontlhe zifananiso zabye, mu lovisa zontlhe zifananiso zabye zi nyekisilweko; mu khungumulela wontihe matshamu yabye ma tlakukileko. Ekso. 23:32; Deut. 7:2

Mitsengo 33:52 Mawu Ofanana

1 Tihosi 11:7

Zonake Solomoni i lo aka a ganzelo ga Kemoxe, a manyala ya maMoabi, ni ginwe ga Moloki, a manyala ya vanana va ka Amoni, le wutshanwini gi tlakukileko le xitsungeni lexi xi cuwukeneko ni Jerusalema. Mitse. 21:29

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Levi 26:1

Mu nga ti maheli zifananiso za vanungungulu; mu nga ti yimiseli xifananisoxi vatlilweko, ni timhinga; ni lomu tikweni ga nwina mu nga yimisi a ribye legi gi nga ni xifananiso mu khizama ka gona, hakuva hi mina Jehova, Nungungulu wa nwina.

Deuteronome 31:5

Jehova i ta va nyikela mandleni ya nwina, mu ta maha ka vona khwatsi hi lezi mu leleteleko.

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

Joxua 11:15

Kota lezi Jehova a leleteleko Mosi, a nanza gakwe, Mosi i lo leletela zalezo ka Joxua, zonake Joxua i lo maha zalezo; a nga siyangi ni nchumu xa lezi Jehova a leleteleko Mosi.

Joxua 23:7

Mu nga hlengeli ni matiko lawa maseleko xikari ka nwina; mu nga dzuki mu kumbuka mavito ya vanungungulu vabye, ge hambu ku hlambanya ha vona; mu nga dzuki mu va khozela ni ku va khizamela.

Joxua 9:7

Kanilezi a vanhu va ka Israeli va te ngalo ka maHivi lawo: Kutani mu akile xikari ka hina, xana hi ta mahisa kuyini xivumelwano zinwe na nwina ke? Ekso. 23:32; Deut. 7:2

Valamuli 2:2

Nzi wa te ngalo: Mu nga mahi xivumelwano ni vaaki va tiko legi; kanilezi khungumulani maalati yabye. Kanilezi a mu ingisangi a gezu ga mina. Hi kuyini mu mahileko lezi ke?