Mitsengo 32:4 - Tshwa Bible

⁴ a tiko legi Jehova a hlaseleko mahlweni ka tlhangano wa ka Israeli, i tiko gi ringanako zifuyo; makunu hina malanza ya wena hi na ni mitlhambi.

Mitsengo 32:4 Mawu Ofanana

1 Kronekele 4:41

A xikhatini xa Hezekia a hosi ya ka Juda, a vanhu lava va tsalilweko hi mavito yabye, va lota va ta hlasela matenda yabye, ni vaMenuime lava va nga wa akile lomo, va lo va lovisa vaku bhi kala lezi; zonake va lo aka matshanwini yabye, hakuva lomo ku wa hi ni wuriselo ga mitlhambi yabye.

Jeremia 50:19

Nzi ta tlhelisa Israeli a wuya wuriselweni gakwe, i ta gela lomu Karmeli ni lomu Baxani, i ta xura lomu zitsungeni za Efraime ni Gileade. Dan. 9:2; Mika 7:14

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

Mitsengo 21:24

Kanilezi Israeli i lo va hihirita hi wutlha ga supado, va wutla a tiko gakwe kusukela Amoni kala le Jaboke, ku kala kuya ni ka vanana va ke Amoni; hakuva a mbhingano wa vanana va ka Amoni wu wa hi ni makhokhola. Deut. 29:7; Tis. 135:10; Am. 2:9

Mitsengo 21:34

Zonake Jehova aku ngalo ka Mosi: U nga mu chavi, hakuva nzi mu nyikele canjeni ga wena, yena ni vanhu vakwe vontlhe ni tiko gakwe gontlhe. U ta maha ka yena kota lezi u mahileko ka Sihoni, a hosi ya maAmori, loyi a nga wa akile le Hexboni.

Mitsengo 21:35

Zonake va lolwa zinwe naye va mu hlula, ni vana vakwe ni vanhu vakwe vontlhe, laho a ku ponangi ni munwe. Va lo teka a tiko gakwe.

Mitsengo 32:5

Va engeta kambe va ku ngalo: Loku hina hi kumile thomo mahlweni ka wena, ngha a tiko legi gi nyikiwa ka malanza ya wena gi maha tshomba ya hina; u nga hi yisi le tlhatuko wa Jordani.

Deuteronome 4:38

ni ku hlongola mahlweni ka wena a matiko lawa ma ku hunzako hi wukulu ni ntamu, ni ku ku enghenisa wena lomu tikweni gabye, ni ku ku nyika gona gi maha a tshomba ya wena kota lezi u zi wonako nyamutlha lezi.