Mitsengo 31:8 - Tshwa Bible

⁸ Va lo daya ni tihosi ta vaMidiani, ku lo dawa Evi, na Rekemu, na Zura, na Hura, na Reba, ntlhanu wa tihosi ta vaMidiani; va lo daya kambe na Balaami a nʼwana wa Beori hi supado. Jox. 13:21

Mitsengo 31:8 Mawu Ofanana

Tisimu 10:2

A xisiwana xi xanisiwa hi kota ya matshanza ya vakubiha, Va phase hi makungo yabye wutsumbu.

Tisimu 9:16

Jehova i ti tivekisile, i lamulile: Wa phasa muonhi hi mitiro ya mandla yakwe wutsumbu. (Higgaion. Sela.)

Mavingu 11:3

A wunene ga valulamileko gi ta va rangela; anilezi a kubiha ka lava va nga tsumbekangiko ku ta va lovisa.

Mavingu 13:17

A ntsumi wa kubiha wu wela kubiheni; anilezi a ntsumi wu kholekileko mbutomi.

Habakuka 3:7

Nza wona a matenda ya Kuxani na ma hlokiswa, Ku rurumela ni matenda ya tiko ga Midiani.

Mitsengo 22:10

Balaami i te ngalo ka Nungungulu: Balake a nʼwana wa Zipore, a hosi ya maMoabi, i rumele lava vanhu laha ka mina, aku:

Mitsengo 22:4

Moabi i te ngalo ka masingalakati ya vaMidiani: Lexi xidlemo xi taga a tiko gontlhe legi gi hi renzelekeleko, khwatsi hi homu yi gako a byanyi ga khwati. Balake a nʼwana wa Zipore i wa hi hosi ya maMoabi ka lexo xikhati.

Mitsengo 22:5

Yena i lo ruma mitsumi ka Balaami a nʼwana wa Beora, le mutini wa Petora wa le Congweni, a tikweni ga vanana va lixaka lakwe; i lo rumela ku ya mu vitana, va yaku ngalo: Languta, va kona a vanhu va humako hi le Gipite. Va fenengetile misava; va govile va cuwukana na mina. Jox. 24:9; Mika 6:3

Mitsengo 23:10

Himani a ta nga hlaya Jakobe a teleko kota tshuri ke? Hambu ku tiva tsengo wa xipanze xa wumune xa vaIsraeli ke? A nzife hi kufa ka valulamileko, Ni kugumesa ka mina a ku kote ka vona! Gen. 13:18; 28:14

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Mitsengo 24:25

Zonake Balaami i lo suka a famba kabye; yenawu Balake i lo tlhelela kaya kakwe.

Mitsengo 25:15

A vito ga wasati wa muMidiani loyi a delweko i wa hi Kozbi a nʼwana wa Zuri, loyi a nga hi hosana ya yinwe ya tinyangwa ta vaMidiani.

Mitsengo 25:18

hakuva va mu xanisile, va mu xengetela hi mano yabye kota lezi va mu kanganyisileko hi timhaka ta Peori, ni mhakeni ya Kozbi, a nʼwana wa hosana yinwani ya muMidiani, a makabye wakwe loyi a nga dawa siku lego ga ntungu lowu wu nga huma hi kota ya Peori.

Mitsengo 31:16

Languta, lava hi vona va nga maha lezaku a va ka Israeli va onha mahlweni ka Jehova hi xilayelo xa Balaami, va kala a vanana va ka Israeli va onha mahlweni ka Jehova hi makungo ya Peori, kala ku humelela a ntungu lomu tlhanganweni wa Jehova.

Mitsengo 31:9

A vanana va ka Israeli va lo khoma tikhumbi ta vavasati ni vanana vabye xikari ka vaMidiani; va lo phanga ni zontlhe zifuyo zabye, ni mitlhambi yabye yontlhe, ni yontlhe tshomba yabye.

2 Pedro 2:15

Na va tsikile a ndlela yo lulama, va lo penga va lanzela a ndlela ya Balami nʼwana Beori, loyi a nga ranza a nzhiho wa ku maha kubiha; Mitse. 22:5, 21, 23

Juda 1:11

Khombo a give ka vona! Hakuva va fambile hi ndlela ya Kana, hi kota ya hakhelo va tsutsumela kuhambukeni ka Balami, va lobyiswa hi kuhluwuka ka Kora. Gen. 4:5; Mitse. 16:1; 22:7, 21

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 2:14

Kanilezi nzi na ni zisolo zinwani ha wena, hakuva laho u na ni vanwani lava va namarelako a gonzo ya Balami, loyi a nga gonzisa Balaki a ku veka xikhunguvanyiso mahlweni ka vanana va Israeli, lezaku vaga zakuga lezi zi phahlelweko zifananisweni, ni ku bhaya. Mitse. 25:1; Miti. 15:29; 1 Kor. 8:9