Mitsengo 31:29 - Tshwa Bible

²⁹ Mu ta zi pambula a ka khihlanya ga lezi va zi kumileko, mu nyika mupristi Eliazare, kasi wuva munyikelo wa ku nziwitela wa Jehova.

Mitsengo 31:29 Mawu Ofanana

Eksodusi 29:27

Zonake u ta basisa a xifuva lexi xi nziwitelweko, ni nenge lowu wu tlakusilweko, ziva za yivu yi basileko lezi zi nga nziwitelwa ni ku nyikelisiswa, lezi zi nga za Aroni ni vana vakwe;

Mitsengo 18:26

Byela a vaLevi lezaku: Loku mu amukela xipanze xa wukhume ka vanana va ka Israeli, lexi nzi mu nyikako a kuva tshomba ya nwina, nwinawu mu ta susa xipanze xa wukhume ka zona mu nyikela ka Jehova.

Mitsengo 18:28

Zinghaho mu ta nyikela ka Jehova a xipanze xa wukhume xa zontlhe lezi mu ta nga zi amukela ka vanana va ka Israeli; zonake mu ta nyikela a munyikelo wa Jehova ka mupristi Aroni.

Mitsengo 31:28

U ta pambulela Jehova a hlengo wakwe xikari ka lava va nga yile yimpini a hloko kada 500 wa vanhu, kutani tihomu ni timbongola ni tiyivu.

Mitsengo 31:30

Ka ziavelo za vanana va ka Israeli mu ta teka a hloko yinwe kada 50, lomu ka vanhu, ni ka tihomu, ni ka tiyivu, ni ka timbongola, zontlhe lezi zi hanyako mu ta zi nyika va ka Levi lava va hlayisako a tabemakeli ga Jehova.

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 12:19

Ti wonele lezaku u nga rivali muLevi ka wontihe masiku lawa u ta nga hanya laha misaveni.