Mitsengo 31:23 - Tshwa Bible

²³ zontlhe lezi zi nga swiko hi nzilo, mu ta zi bawulela hi nzilo, zonake zi tava zi hlazekileko; ahembaloko zi ta basiswa hi mati ya kubasisa. Kasike lezi zi swako hi nzilo mu ta zi peta lomu matini.

Mitsengo 31:23 Mawu Ofanana

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Eksodusi 19:14

Mosi i lo relela hi le xitsungeni, aya ka vanhu a ya va basisa, va hlaza tinguwo tabye.

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Levi 11:32

Loku a xihari xa kunghahi xi file, xi dzuka xi wela lomu ka zilo, zi tava zi nga hlazekangi, hambu loku zi wela lomu ka zibya lezi mu gelako ka zona, kutani ka nguwo, kutani ka bhebhe, kutani ka sakwa, hambu ni ka xihi lexi mu tirako ha xona, xi ta hlaziwa, lomu matini, hambu lezo xi tava xi nga hlazekangi kala gambyeni; zonake xi tava xi hlazekile.

Levi 15:17

A tinguwo tontlhe ni mabhebhe wontihe lawa ma nga tsakamiswa hi mbewu ya libeleko, zi ta hlaziwa lomu matini, hambu lezo zi tava zi nga hlazekangi kala laha gambyeni.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Mitsengo 19:17

A munhu loye a nga hlazekangiko va ta mu nusela a khuma ga muphahlo wa kuonha, zonake va ta chela a mati ma basileko hehla ka gona lomu xibyeni.

Mitsengo 19:9

A munhu loyi a hlazekileko i ta wota a khuma ga homu, a ya gi chela wutshanwini ga kubasa, lahandle ka wugovelo, kasi ga lonzowotelwa a tlhangano wa vanana va ka Israeli a kuva mati yo basisa zionho; wu hi muphahlo wa kuonha.

Mitsengo 31:22

a nzalama ni siliva, ni suku, ni ziketse, ni malata, ni muthovu,

Mitsengo 31:24

Nwina mu ta hlaza a tinguwo ta nwina hi siku ga wuntlhanu ni mambiri, zonake mu tava mi hlazekile, anzhako ka lezo mu ta wuya mu ta enghena lomu wugovelweni.

Mitsengo 8:7

Lezi u ta nga mahisa zona kasi ku va basisa; hi lezi: U ta va nwatsekela hi mati ya ku tshungula, zonake va ti halula hi likari wontihe miri wabye; va hlaza tinguwo tabye, va ti basisisa lezo.

Mateu 3:11

Mina nzi mu bapatiza hi mati kasi ma hunzuluka; kanilezi loyi a tako nzhako ka mina i na ni ntamu ku nzi hunza mina; a nzi faneli ni ku rwala zilato zakwe; yena i ta mu bapatiza hi Moya wa ku Basa ni nzilo. Mar. 1:8; Lu. 3:16; Isa. 4:4; 44:3; Miti. 1:5

1 Va le Korinte 3:13

a ntiro wa munwe ni munwani wu ta wonekeliswa kubaseni, hakuva a Siku lego gi ta wu kombisa, wu ta wonekeliswa hi nzilo; a nzilo wu ta hlola a ntiro wa munwe ni munwani lezaku ngwa lixaka muni. 1 Ped. 1:7

Va le Efesusi 5:26

lezaku a gi basisa, loku a gi hlazile hi ku bapatiza hi mati zinwe ni mhaka, Joh. 3:5; 15:3; Maheb. 10:22; 1 Joh. 5:6

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

1 Pedro 3:21

a ku fanana ni mati lawa ma mu hanyisako makunu hi kubapatizwa, na ku nga hi ku susa a chaka ga miri, kanilezi hi ku kombela a livalo li nene ka Nungungulu, hi kuvuka ka Jesu Kristu; Rom. 10:10; Efe. 5:26

1 Pedro 4:12

Varanzekako, mu nga dzukiswi hi nzilo lowu wu nga xikari ka nwina lowu wu tako ku ta mu ringa, aku khwatsi xilo xiswa xi mu humeleleko. 1 Kor. 3:13

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3