Mitsengo 31:2 - Tshwa Bible

² Photela a vanana va ka Israeli ka vaMidiani, anzhako ka lezo u ta amukelwa ka va ka nwina.

Mitsengo 31:2 Mawu Ofanana

Genesisi 15:15

Kanilezi wena u taya ka vararu va wena hi kurula; u ta kelelwa na u khosahele.

Genesisi 25:17

A malembe ya wutomi ga Ixmaeli, ma wa hi 137, i lo nyikela a moya wakwe afa, i lo amukelwa ka va ka kabye.

Genesisi 25:8

Abrahama i lo nyikela a moya wakwe, i lofa na a hi wa kale, na a khosahele, na a hi ni malembe ya kutala, i lo amukelwa ka va ka kabye.

Eksodusi 2:16

A mupristi wa le Midiani i wa hi ni vanhanyana va ntlhanu ni vambiri. Va lo takha mati, va khelela lomu ka xigowolo kasi va nwisa mitlhambi ya raru wabye.

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

Nahume 1:2

Jehova i Nungungulu wa xiluse, i muphoteli. Jehova wa ti photela, i tele hi zanga. Jehova wa ti photela ka lava va mu vukelako, a khulo gakwe i gi vekela valala vakwe. Ekso. 20:5; Deut. 4:24; Jox. 24:19

Mitsengo 20:24

Aroni i ta amukelwa ka va ka kabye, hakuva a nga ta enghena ka tiko legi nzi nyikileko a vanana va ka Israeli; hakuva mu kanetile a gezu ga mina le matini ya le Meriba.

Mitsengo 20:26

Zonake u ta teka a tinguwo ta Aroni u ambexa nʼwana wakwe Eliazare. Aroni i ta fela laho, a amukelwa ka va ka kabye.

Mitsengo 25:1

Laha va ka Israeli va nga wa tshamile le Xittime, a vanhu va lo bhaya ni vanhanyana va Moabi.

Mitsengo 25:6

Zalezo ku lo ta huma a munhu wa vanana va ka Israeli na a neha wasati wa muMidiani ka vamakabye vakwe kuwoneni ka Mosi ni tlhangano wontihe wa vanana va ka Israeli, laha na tlhangano wontihe wu kari wu rila laha nyangweni ya tenda ga mutlhangano.

Mitsengo 27:13

loku u gi wonile, u ta amukelwa ka va ka nwina khwatsi hi lezi nakuloni Aroni a amukelweko.

Mitsengo 31:1

Jehova i lo wulawula ka Mosi, aku:

Mitsengo 31:3

Zonake Mosi i lo byela a vanhu, aku: Xikari ka nwina vavanuna, hlomani matlhari mu maha a yimpi, mu huma muya hlasela Midiani, mu photela Jehova ka vaMidiani.

Luka 21:22

Hakuva lawa hi masiku ya kuphota, kasi zontlhe lezi zi tsalilweko zi fela ku tatiseka. Dan. 9:26; Zak. 11:1

Mitiro 13:36

Hakuva anzhako ka kuva Davida a tirile a khungo ga Nungungulu xizukulwaneni xakwe, i lo etlela, a lahliwa zinwe ni vakoko vakwe, a wona kubola;

Va le Roma 12:19

Mu nga ti photeli varanzekako, kanilezi tlhalukelani a zanga ya Nungungulu; hakuva ku tsalilwe ku ngalo; A kuphota ka mina, mina nzi ta tlhelisela, ku wula Hosi. Deut. 32:35

Va le Roma 13:4

Hakuva a mufumeli i nanza ga Nungungulu a ku ku mahela zo saseka. Kanilezi loku u maha lezi zi bihileko, chava; hakuva mufumeli a nga khomi supado mahala; hakuva yena i nanza ga Nungungulu, a muphoteli wa zanga ka loyi a mahako kubiha.

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

Deuteronome 4:22

Hakuva mina nzi tafa ka legi tiko; cima nzi nga ta tlhatuka Jordani; kanilezi nwina mu ta tlhatuka mu ya fumela a tiko lego go saseka.

1 Va le Tesalonika 4:6

lezaku ku nga hi kona munhu a onhako makabye hi lexi xilo; hakuva Nungungulu hi muphoteli wa zontlhe lezo, kota lezi hi nga mu byela kale hi tiyisa ka nwina. Levi 19:11

Maheberu 10:30

Hakuva ha mu tiva loyi a nge ngalo: A kuphota ni kutlhelisela zi lumba mina. Aku kambe: A Hosi yi ta yimela a vanhu va yona. Deut. 32:35, 36; Rom. 12:19

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Kuvululelwa 6:10

Va loba huwa hi gezu ga hombe, vaku: Hosi yo basa ni ya zinene, ku ta kala rini u nga lamuli u photela a nkhata wa hina ka lava va akileko misaveni ke? Ekso. 19:6; 1 Ped. 2:5, 9

Valamuli 16:24

Laha a vanhu va nga mu wona, va lo dumisa nungungulu wabye, vaku: Nungungulu wa hina i nyikile a nala wa hina mandleni ya hina, loyi a nga wa xakela a tiko ga hina, loyi a hlaseleko a vanhu va ka hina.

Valamuli 2:10

A vanhu vontlhe va xizukulwana lexo va lo amukelwa ka vararu vabye. Ku lo lanzela xinwani xizukulwana anzhako ka lexo, leʼxi nga mu tiviko Jehova, hambu hi mitiro leyi a yi mahileko ka Israeli. Deut. 31:16