Mitsengo 29:39 - Tshwa Bible

³⁹ Lezi hi lezi mu ta nga nyikela ka Jehova lomu ka mibuzo ya nwina, zinwe ni miphahlelo ya zifungo za nwina, ni minyikelo ya kuranza ka nwina, ya kuhiswa, ni ya zakuga, ni ya zakunwa, ni ya kubonga.

Mitsengo 29:39 Mawu Ofanana

1 Kronekele 23:31

Va wa fanele ku nyikela yontlhe minyikelo ya kuhiswa hi masabado ni zikhatini za tihweti tiswa, ni ya mitlhangano, hi tsengo wa kona, khwatsi hi lezi zi leletelweko, lezaku kasi va hi kona mahlweni ka Jehova hi ku simamisilweko.

2 Kronekele 31:14

Kore nʼwana Imna a muLevi, a muhlayisi wa nyangwa ya tlhelo ga Muhuma-gambo, i wa hi muhlayisi wa minyikelo leyi yi nyikelwako ka Nungungulu hi liranzo la matsenya, ni ku avela a mihlengo leyi yi nyikelwako ka Jehova ni zilo lezi zi basisilweko nguvu.

2 Kronekele 31:3

Ni kambe i lo yimisa a xiavelo xa hosi xi humako tshombeni yakwe, xi maha xa muphahlo wa kuhiswa wa mixo ni gambo, ni wa masabado ni wa kusanguleni ka hweti, ni wa mibuzo, khwatsi hi lezi zi tsalilweko nayweni wa Jehova.

Ezra 3:4

Va lo maha ni mubuzo wa mixaxa, khwatsi hi lezi ku tsalilweko, ni ku nyikela a minyikelo ya kuhiswa ya siku ni siku hi mamahela ya kona ni nayo wa kona wa fanelo wa siku ni siku. Ekso. 23:16; Levi 23:34

Ezra 3:5

Ni kambe ku lo nyikelwa a munyikelo wa kuhiswa wa masiku, ni wa kuwoneka ka hweti, ni wa mitlhangano yontlhe yi basileko ya Jehova, ni wa munhu ni munhu loyi a ranzako ku phahlela ka Jehova hi matsenya.

Nehemia 10:33

a kuva za zibaba za xikombiso, ni munyikelo wa siku ni siku wa mapa, ni wa kuhiswa wa siku ni siku, ni wa masabado, ni wa kuwoneka ka hweti ni hweti, ni mibuzo, ni zilo zi basileko, ni minyikelo ya kuonha kasi ku maha a nzhiho wa va ka Israeli, ni wontihe a ntiro wa yindlu ya Nungungulu wa hina. Ekso. 25:30; Levi 24:6

Isaya 1:14

A muhefemulo wa mina wa venga a mibuzo ya nwina ya hweti yiswa ni mibuzo ya hombe; za nzi tikela, nzi karele hi ku zi rwala.

Levi 23:2

Byela a vanana va ka Israeli, uku ka vona: Leyi hi mibuzo ya Jehova leyi mu ta nga leletela lezaku yiva mitlhangano ya kubasa: a mibuzo ya mina hi leyi:

Levi 23:28

Mu nga tiri ntiro hi siku lego, hakuva i siku ga miphahlelo ya nzhiho, legi a nzhiho wa nwina wu nyikelwako ha gona mahlweni ka Jehova, Nungungulu wa nwina.

Levi 23:38

Hehla ka zontlhe lezo mu ta hlayisa masabado ya Jehova, ni ku nyikela ka Jehova a minyikelo yinwani ya nwina, ni miphahlelo yontlhe ya ku tatisa zifungo za nwina, ni minyikelo yontlhe ya kuranza ka nwina.

Levi 7:11

Lowu hi nayo wa muphahlelo wa kurula, lowu wu ta nga nyikelwa ka Jehova.

Amosi 5:22

Ina, hambu loku mu nzi mahela a minyikelo ya nwina ya kuhiswa ni ya tinzhoho nzi nga ta yi amukela; ge hambu a minyikelo ya nwina ya kurula ya zihari zi nonileko.

Mitsengo 28:2

Leletela a vanana va ka Israeli, uku: Mu ta nzi nehela a munyikelo wa kuhiswa hi xikhati xa wona, lowu wu nga kuga ka mina, wu nga ni masema yo nuhela ka mina.

Mitsengo 29:38

zinwe ni mhongo ya muphahlelo wa kuonha, ni munyikelo wa kuhiswa wa siku ni siku, ni munyikelo wa kona wa zakuga ni zakunwa.

Mitsengo 29:40

Mosi i lo hlawutela a vanana va ka Israeli kota lezi Jehova a mu leleteleko.

Mitsengo 6:21

Lowu hi nayo wa munazira loyi a bohileko hi kuhlambanya; ni munyikelo wakwe ka Jehova hi kota ya wunazira gakwe, ahandle ka lezi a zi kotako ku nyikela kota ntamu wakwe. I ta mahisa lezi loku a ti bohile hi kuhlambanya; i ta lanzela a nayo wa wunazira gakwe.

1 Va le Korinte 10:31

Hikwalaho loku muga, kutani munwa, kani hi xihi lexi mu xi mahako zi maheni zontlhe ziva kudzunzwa ka Nungungulu. Zak. 7:6; Mat. 5:16; Joh. 15:8; Tit. 1:11

Deuteronome 12:6

Mu ta yisa laho a miphahlo ya nwina ya kuhiswa, ni miphahlelo ya nwina, ni za wukhume za nwina, ni miphahlelo ya nwina ya ku nziwitela, ni miphahlo ya zifungo za nwina, ni miphahlo ya kuranza ka nwina, ni matewula ya zifuyo za nwina za hombe ni lezi za zitsongwani.