Mitsengo 28:3 - Tshwa Bible

³ U ta va byela uku: A miphahlo ya kuhiswa leyi mu ta nga nyikela ka Jehova hi leyi: Siku ni siku mu ta nyikela tihamba timbiri ta lembe ginwe a wukale, ti nga hiko na bawa. Wu tava munyikelo wa kuhiswa wa masiku ni masiku. Ekso. 29:38

Mitsengo 28:3 Mawu Ofanana

1 Kronekele 16:40

kasi va fela ku nyikela ka Jehova wontihe masiku a muphahlo wa kuhiswa laha alatini mixo ni gambo, ni ku maha kota lezi zi tsalilweko nayweni wa Jehova wu leletelweko va ka Israeli.

2 Kronekele 8:13

a nyikela miphahlelo ya siku ni siku khwatsi hi lezi Mosi a leleteleko, ya masabado, ni ya kusangula ka hweti, ni ya mibuzo, makhati manharu hi lembe, ni mibuzo ya zibaba zi nga comelwangiko, ni mibuzo ya tisonto, ni mibuzo ya matabernakeli. Levi 23:37; Mitse. 28:2

Ezra 3:5

Ni kambe ku lo nyikelwa a munyikelo wa kuhiswa wa masiku, ni wa kuwoneka ka hweti, ni wa mitlhangano yontlhe yi basileko ya Jehova, ni wa munhu ni munhu loyi a ranzako ku phahlela ka Jehova hi matsenya.

Danieli 11:31

A mabutho ma rumilweko hi yena ma ta nyenyezisa a wutshamu ga kubasa ni khokhola, va ta fuvisa a minyikelo ya kuhiswa ya simasima, va yimisa a manyalataniso ya mbangalakasa. Mitse. 28:4; Mat. 24:15

Danieli 12:11

Kusukela xikhatini lexi a minyikelo ya kuhiswa va simasima yi ta nga fuviswa, ku yimiswa a manyalataniso ya mbangalakasa, ku tava 1,290 wa masiku.

Danieli 8:11

Ina, li lo ti kulisa ni mahlweni ka Nduna ya yimpi leyo, li yi tekela a munyikelo wa kuhiswa wa simasima, ni wutshamu ga yona ga kubasa gi lo khungumulwa. Mitse. 28:3

Danieli 8:13

Zonake nzi lozwa a ngelosi na yi wulawula, ni yinwani ngelosi yi lo wutisa leyi yi nga kari yi wulawula, yiku: Zi ta simama masiku mangani lezi hi zi wonako muwonisweni hi tlhelo ga munyikelo wa kuhiswa wa simasima ni xihambunyeto lexi xi hahlulako, ni lezaku a wutshamu ga kubasa ni butho zi nyikelwa ku kanzihelelwa hi mikonzo?

Levi 3:5

A vana va Aroni va ta zi hisa laha alatini, le hehla ka munyikelo wa kuhiswa, lowu wu nga le hehla ka tihunyi ti nga nzilweni; wu tava muphahlo wa kuhiswa, wu nga ni masema yo nanziha ka Jehova.

Levi 6:9

Leletela Aroni ni vana vakwe, uku ka vona: Lowu hi nayo wa munyikelo wa kuhiswa: A munyikelo wa kuhiswa wu ta tshama khombarini ga alati wusiku gontlhe kala gica, na nzilo wu kari wu vura.

Amosi 4:4

Yanani Beteli mu ya onha; yanani le Gilgale mu ya anzisa a zionho! Nehani a miphahlelo ya nwina mixo ni mixo, mu nyikela za wukhume za nwina hi siku ga wunharu.

Mitsengo 28:10

Lowu hi muphahlo wa kuhiswa wa sabado yinwe ni yinwani, ahandle ka munyikelo wa kuhiswa wa siku ni siku, zinwe ni munyikelo wa kona wa kunwa.

Mitsengo 28:15

Ni kambe ku ta nyikelwa a mhongo ka Jehova a kuva muphahlelo wa kuonha, ahandle ka munyikelo wa kuhiswa wa masiku wontihe, ni munyikelo wa kona wa kunwa.

Mitsengo 28:23

Mu ta yi nyikela zinwe ni munyikelo wa kuhiswa wa laha mixweni, lowu wu nga wa kala kupinzuka.

Mitsengo 28:24

Mu ta nyikela lezo zilo siku ginwe ni ginwani kala 7 wa masiku, a kuva kuga ni muphahlelo wa kuhiswa wa masema yo nanziha ka Jehova. Mu ta nyikela zinwe ni munyikelo wa kuhiswa wa kala kupinzuka zinwe ni kunwa ka kona.

Mitsengo 28:31

Mu ta nyikela lezi zilo zinwe ni munyikelo wa kuhiswa wa kala kupinzuka ni munyikelo wa kona wa zakuga; mu ta zi basisa zi ngavi na bawa, zinwe ni munyikelo wa kona wa zakunwa.

Mitsengo 28:4

Laha mixweni u ta nyikela a hambana, laha gambyeni u nyikela yinwani hambana;

Mitsengo 29:11

Mu ta nyikela ni mhongo ya muphahlelo wa kuonha, zinwe ni muphahlelo wa nzhiho, ni munyikelo wa kuhiswa wa masiku ni masiku, ni munyikelo wa zakuga, zinwe ni munyikelo wa zakuga ni zakunwa.

Mitsengo 29:16

Mu ta nyikela hi mhongo yinwe kasi yi maha muphahlelo wa kuonha zinwe ni munyikelo wa kuhiswa wa siku ni siku, zinwe ni munyikelo wa zakuga ni zakunwa.

Mitsengo 29:6

Mu ta yi nyikela zinwe ni munyikelo wa kuhiswa wa hweti, zinwe ni munyikelo wa kona wa kuga ni kunwa, kota nayo wa kona; lowu muphahlelo wa kuhiswa wa masema yo nanziha ka Jehova.

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Maheberu 9:6

Zonake lezi zilo na zi longisilwe kota lezo, a vapristi va simamisa va enghena xipetsweni xo ranga, va tira a mitiro ya kukhozela Nungungulu. Mitse. 28:3; Dan. 8:11

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8