Mitsengo 28:25 - Tshwa Bible

²⁵ Hi siku ga wuntlhanu ni mambiri mu tava ni mutlhangano wa kubasa; mu nga dzuki mu tira ntiro yo binza ha gona.

Mitsengo 28:25 Mawu Ofanana

Eksodusi 12:16

Hi siku go ranga mu tava ni ntlhangano wa kubasa; wu tava kona kambe hi siku ga wuntlhanu ni mambiri; ka lawo masiku mu nga tiri hambu ni ntiro munwe, sine a ntiro wo longisa a kuga ka vanhu basi.

Eksodusi 13:6

Ntlhanu wa masiku ni mambiri mu taga a zibaba zi nga comelwangiko; zonake hi siku ga wuntlhanu ni mambiri, ku tava mutlhangano wa Jehova.

Levi 23:21

Ka gwalego siku mu ta ramba mutlhangano lowu wu basileko; mu nga tiri hambu ni ntiro munwe wo tika. Lexi xi tava xileletelo xa kala kupinzuka ka zizukulwana za nwina, ka wontihe matlhelo lawo mu ta nga aka ka wona.

Levi 23:25

Mu nga tiri ntiro hambu ni munwe wo tika ha gona, kanilezi mu ta nyikela ka Jehova a muphahlelo wa kuhiswa.

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Levi 23:7

Hi siku go ranga, mu tava ni mutlhangano wa kubasa; mu nga tiri ntiro ha gona.

Levi 23:8

Lomu ka masiku ya ntlhanu ni mambiri mu ta nyikela ka Jehova a muphahlelo wa kuhiswa hi nzilo. Hi siku ga wuntlhanu ni mambiri ku tava mutlhangano wa kubasa, kanilezi mu nga tiri ha gona ni ntiro munwe wo tika.

Mitsengo 28:18

Hi siku go sangula ku tava ni mutlhangano wa kubasa; mu nga dzuki mu tira a ntiro wo binza ha gona.

Mitsengo 28:26

Ni kambe hi siku ga mihanzu yo ranga, laha mu nyikelako mavele maswa ka Jehova, laha mubuzweni wa nwina wa maviki, mu tava ni mutlhangano wa kubasa; mu nga dzuki mu tira ntiro wo binza ha gona.

Mitsengo 29:1

Hi hweti ya wuntlhanu ni timbiri ka siku go ranga ga hweti, mu tava ni mutlhangano wu basileko; mu nga tiri ntiro wo binza ha gona. Gi tava siku ga kuba mipunzu ya nwina. Levi 23:24

Mitsengo 29:12

Hi siku ga 15 ga hweti ya 7 mu tava ni mutlhangano wu basileko; mu nga tiri ntiro wo binza ha gona, kanilezi lomu ka 7 wa masiku mu ta mahela Jehova mubuzo. Levi 23:34

Mitsengo 29:35

Hi siku ga wuntlhanu ni manharu mu ta maha tlhangano wa ku basa; mu nga tiri ntiro wo binza ha gona;

Deuteronome 16:8

Lomu ka ntlhanu wa masiku ni ginwe wena u taga zibaba zi nga hiko na comelo; hi siku ga wuntlhanu ni mambiri ku tava ni mutlhangano wa kubasa wa Jehova Nungungulu wa wena; u nga tiri ni ntiro munwe.