Mitsengo 28:11 - Tshwa Bible

¹¹ Kusanguleni ka hweti yinwe ni yinwani mu ta nyikela ka Jehova a munyikelo wa kuhiswa wa tinkuzi timbiri, ni hamba, ni 7 wa tihambana ta lembe ginwe a wukale, ti nga hiko na bawa;

Mitsengo 28:11 Mawu Ofanana

2 Tihosi 4:23

Yena i te ngalo: Na u yela yini kakwe inyamutlha? A hweti a yi se woneka, ni kambe a hi sabado. A wasati i te ngalo: Zi lulamile!

1 Kronekele 23:31

Va wa fanele ku nyikela yontlhe minyikelo ya kuhiswa hi masabado ni zikhatini za tihweti tiswa, ni ya mitlhangano, hi tsengo wa kona, khwatsi hi lezi zi leletelweko, lezaku kasi va hi kona mahlweni ka Jehova hi ku simamisilweko.

2 Kronekele 2:3

Solomoni i lo rumela mhaka ka Huramu, a hosi ya le Tire, aku kakwe: Hi nga nzi mahela lezi u nga mahela dadani wa mina Davida—u nzi rumela a tisinya ta sedare, kasi nza fela ku ti akela ha tona a yindlu yo tshama ka yona.

2 Kronekele 2:4

Languta, mina nzi lava ku aka a yindlu yi lumbako a vito ga Jehova Nungungulu wa mina nzi yi nyikela kakwe, nzi hisela lomo libani mahlweni kakwe, ni ku veka zibaba wontihe masiku mahlweni kakwe za zikombiso, ni ku mu phahlela hi munyikelo wa kuhiswa wa mixo ni gambo, ni wa masabado, ni wa kuhumeni ka hweti, ni wa mibuzo ya Jehova Nungungulu wa hina. Leyo hi yona a fanelo ya va ka Israeli kala kupinzuka. Levi 24:5; Mitse. 28:3

2 Kronekele 8:13

a nyikela miphahlelo ya siku ni siku khwatsi hi lezi Mosi a leleteleko, ya masabado, ni ya kusangula ka hweti, ni ya mibuzo, makhati manharu hi lembe, ni mibuzo ya zibaba zi nga comelwangiko, ni mibuzo ya tisonto, ni mibuzo ya matabernakeli. Levi 23:37; Mitse. 28:2

Ezra 3:5

Ni kambe ku lo nyikelwa a munyikelo wa kuhiswa wa masiku, ni wa kuwoneka ka hweti, ni wa mitlhangano yontlhe yi basileko ya Jehova, ni wa munhu ni munhu loyi a ranzako ku phahlela ka Jehova hi matsenya.

Nehemia 10:33

a kuva za zibaba za xikombiso, ni munyikelo wa siku ni siku wa mapa, ni wa kuhiswa wa siku ni siku, ni wa masabado, ni wa kuwoneka ka hweti ni hweti, ni mibuzo, ni zilo zi basileko, ni minyikelo ya kuonha kasi ku maha a nzhiho wa va ka Israeli, ni wontihe a ntiro wa yindlu ya Nungungulu wa hina. Ekso. 25:30; Levi 24:6

Tisimu 40:6

A miphahlelo ni minyikelo a ku tsaki ha yona; U vulule a tindleve ta mina; A ku ranzi a miphahlo ya kuhiswa ni minyikelo ya kuonha. Isa. 1:11; Mika 8:7; Maheb. 10:5

Tisimu 40:8

Nungungulu wa mina, nza nengela ku maha kuranza ka wena; A nawo wa wena wu lomu mbilwini ya mina.

Tisimu 81:3

Kuwonekeni ka hweti banani mpunzu, Wu biwa ni xikhatini xa babani, Hi siku ga mubuzo wa hina. Ekso. 12:1; Levi 23:5; Deut. 16:1

Tisimu 81:4

Hakuva xiyimiso xikari ka Israeli, A nayo wa Nungungulu wa Jakobe.

Isaya 66:23

Zonake a kuhumeni ka hweti yinwe ni yinwani, ni ka sabado ginwe ni ginwani, a nyama yontlhe yi tata ku ta nzi khozela, ku wula Jehova.

Ezekieli 46:1

Hosi Jehova i ngalo: A nyangwa ya hubye ya lomu xikari, leyi yi cuwukako tlhelo ga Mutsuwuka-gambo, yi ta valiwa a ka ntlhanu wa masiku ni ginwe ya ku tira; kanilezi hi siku ga sabado yi ta vululwe, ni siku a hweti yi wonekako yi ta vululwa.

Ezekieli 46:6

Hi siku ya hweti yiswa yi ta humesa a honwana yi nga hiko na vala, ni ntlhanu wa tiyivana ni yinwe ni hamba yinwe, zi nga hiko na vala.

Ezekieli 46:7

Yi ta humesa a munyikelo wa tinzhoho, efa ginwe hi honwana yinwe, ni efa ginwe hi hamba yinwe, loku ti hi tiyivana yi ta maha lezi yi ta nga zi kota, zinwe ni hini ginwe ga mafura hi efa ginwe ni ginwani.

Hosea 2:11

Nzi ta mbhetisa a litsako lakwe lontlhe, ni mibuzo yakwe, ni mihlakano ya kuwoneka ka hweti, ni masabado yakwe, ni tihlengeletano takwe tontlhe ta ximuse.

Levi 1:13

1 ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo wa kuhiswa; a muphahlelo lowu Wu hisilweko, wu nga ni masema yo nanziha ka Jehova.

Levi 1:3

Loku a munyikelo wakwe wu hi muphahlo wa kuhiswa wa tihomu, i ta nyikela hi nkuzi yi nga hiko na bawa; i ta yi nyikela laha ngangweni ya tabemakeli ga mutlhangano, kasi a ta amukeleka mahlweni ka Jehova.

Levi 1:9

Kanilezi i ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo; a muphahlelo wa nzilo lowu wu nga ni masema ya kunanziha ka Jehova.

Amosi 3:5

A xinyanyani xi nga phasiwa lahasi laha ku nga dembiwangiko a tlhamu ke? A tlhamu wu dembilweko wu nga wachuka wu nga phasi nchumu ke?

Amosi 8:5

A siku ga hweti yiswa gi ta mbhela rini, kasi hi fela ku xavisa mavele? A sabado gona gi ta hunza rini, kasi hi fela ku vulula magomba ya hina, hi hungula a efa, hi kulisa a tsengo, hi kalavela laha xikalweni? Deut. 25:13

Mitsengo 10:10

Hambu masikwini ya nwina ya kutsaka, ni lomu mibuzweni ya nwina, ni kusanguleni ka hweti, mu taba mipunzu, na mu kari mu nyikela miphahlelo ya kuhiswa ni ya kubonga yi maha lezaku mu alakanyiwa mahlweni ka Nungungulu wa nwina. Hi mina Jehova, Nungungulu wa nwina. Va ka Israeli va andlamuka le Sinai.

Mitsengo 28:19

Kanilezi mu ta nyikela ka Jehova a miphahlelo ya kuhiswa; mu nyikela tinkuzi timbiri, ni hamba, ni 7 wa tihambana ta lembe ginwe a wukale; mu teka leti ti nga hiko na bawa.

Va le Galatia 4:10

Nwina ma hlayisa a masiku, ni tihweti, ni tinguva, ni malembe! Rom. 4:15

Va le Kolosi 2:16

Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; Rom. 14:3; Gal. 4:10

Va le Kolosi 2:6

Hikwalaho khwatsi hilezi mu nga amukela Kristu Jesu a Hosi, fambisani zalezo ka yena,

1 Samueli 20:5

Davida i te ngalo ka Jonatani: Manziko i hweti yiswa, nzi wa yimelwe hi ku tshama kugeni zinwe ni hosi; kanilezi nzi ta ya fihlala le masinwini kala ku chikela a siku ga wunharu laha gambyeni.

1 Samueli 9:12

Va lo hlamula, vaku: I kona, hi gaya. Hatlisani zalezi, hakuva i tile nyamutlha laha mutini, a vanhu va mahako muphahlo le wutshanwini gi tlakukileko.