Mitsengo 26:5 - Tshwa Bible

⁵ Rubeni a matewula ya Israeli. A vana va Rubeni hi Hanoki, a nyapanze wa yindlu ya ka Hanoki; na Palu, a nyapanze wa yindlu ya ka Palu;

Mitsengo 26:5 Mawu Ofanana

Genesisi 29:32

Lea i lo xura nyimba, i lo beleka nisanyana, i lo chula vito gakwe ku hi Rubeni; hakuva i te ngalo: Jehova i wonile kuxaniseka ka mina, lezi a nuna wa mina i ta nzi ranza.

Genesisi 35:22

Zonake laha Israeli na akile ka lego tiko, Rubeni i lo etlela na Bilha, a mundlukulu wa raru wakwe; Israeli i lozwa mhaka leyo. Makunu a vana va Jakobe va wa hi khume ni vambiri.

Genesisi 35:23

A vana ya Lea hi Rubeni, a matewula ya Jakobe, na Simoni, na Levi, na Juda, na Isakari, na Zebuloni.

1 Kronekele 5:1

A vana va Rubeni a matewula ya Israeli (hakuva i wa hi matewula, kanilezi hi kota ya lezi a nga nyenyezisa a sango ga raru wakwe, a wutewula gakwe gi lo nyikelwa ka vana va Josefa nʼwana Israeli; na ku nga hi lezaku Josefa i wa kuva matewula.

1 Kronekele 5:3

A vana va Rubeni a matewula ya Israeli: Hanoke, na Palu, na Hezroni, na Karmi.

Eksodusi 6:14

Lava hi tihloko ta tiyindlu ta vararu vabye: A vana va Rubeni, a matewula ya Israeli: Hanoki, na Palu, na Hezroni, na Karmi. Lava hi mingango ya ka Rubeni.

Mitsengo 1:20

Ku lo tsaliwa a vanana va Rubeni, a matewula ya Israeli, hi zizukulwana zabye ni mingango yabye, ku hlayiwa a vito ga munwe ni munwani wa vavanuna lavo va nga hi ni 20 wa malembe ni kuya mahlweni, vontlhe lava va nga zi kota ku hloma matlhari.

Mitsengo 26:4

Nwina mu ta hlayiwa kusukela ka lava va nga ni 20 wa malembe ni ku hunza, kota lezi Jehova a leleteleko ka Mosi ni ka vanana va ka Israeli lava va nga huma hi le Gipite.

Mitsengo 26:6

na Hezroni, a nyapanze wa yindlu ya ka Hezroni; na Karmi, a nyapanze wa yindlu ya ka Karmi.