Mitsengo 26:10 - Tshwa Bible

¹⁰ laha a misava yi ahlama nomu wa yona yi va mita vontlhe zinwe na Kora, laho ku ngafa a tlawa wa hombe; ni laho a nzilo wu nga hisa a 250 wa vanhu kasi ku maha a xikombiso.

Mitsengo 26:10 Mawu Ofanana

Eksodusi 16:35

A vanana va ka Israeli va loga manna 40 wa malembe, va kala va chikela tikweni legi gi akilweko: va loga manna va kala va chikela mimbhinganweni ya tiko ga Kanani.

Jeremia 29:22

Ku ta tekiwa ka vona a gezu ga nzhukano a ka vontlhe vakhonwi va vaJuda va nga le Babuloni, gaku: Jehova a ku mahe u kota Zedekia na Ahabi, lavo a hosi ya Babuloni yi nga va rimba nzilweni.

Ezekieli 14:8

Nzi ta honokela munhu loyi, nzi mu maha ave mahanjalati, kasi a fela kuva xikombiso ni vingu, nzi mu susa xikari ka vanhu va mina; zonake mu ta zi tiva lezaku hi mina Jehova.

Mitsengo 16:2

va lo vukela Mosi zinwe ni 250 wa vavanuna va vanana va ka Israeli, lava ti nga tihosana ta tlhangano, a ziro za hubye, na va hi madota ma dumileko.

Mitsengo 16:38

A zibya lezi a vanhu va onhileko mihefemulo yabye ha zona zi ta tlombiwa zi maha ziphambati za ku lemela a alati ha zona; hakuva zona zi nyikelwe mahlweni ka Jehova, na zona zi basile; zi tava xialakanyiso ka vanana va ka Israeli.

Mitsengo 17:3

u tsala a vito ga Aroni ka nhonga ya ka Levi, hakuva a hosana yinwe ni yinwani ya tinyangwa yi tava ni nhonga yinwe.

Mitsengo 27:3

A raru wa hina i fele xiwuleni, kanilezi i wa nga hi kona lomu xikari ka xikungo lexi xa ku vukela Jehova, xa tlhangano wa Kora; kanilezi i file hi kota ya kuonha kakwe, na a nga siyangi varisanyana.

Deuteronome 11:6

ni lezi a zi mahileko ka Datani na Abiramu, a vana va Eliabe, a nʼwana Rubeni, laha misava yi nga ahlama a nomu wa yona yi va mita ni mingango yabye, ni matenda yabye, ni zontlhe lezi zi va lanzeleko xikari ka vaIsraeli vontlhe. Mitse. 16:31; Tis. 106:17

Deuteronome 28:46

Zona zi tava zikombiso ni masingita hehla ka wena ni hehla ka zizukulwana za wena kala kupinzuka.

2 Pedro 2:6

I lo lamula a miti ya Sodoma ni Gomora a kuva yi lobyisiwa, yi maha khuma, a yi yimisa a kuva xikombiso ka lava va ta nga kala va nga hanyeli Nungungulu. Gen. 19:24; Mitse. 26:10

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.

1 Samueli 2:34

A xikombiso xa kona, u ta wona ni vana va wena, Hofeni na Fineasi, hi wumbiri gabye va tafa siku ginwe.