Mitsengo 24:7 - Tshwa Bible

⁷ Ni mati ma ta khulunga hi lomu ka mabhaketi yakwe, Ni mbewu yakwe yi ta tsakamiswa hi mati yo tala. Ni hosi yakwe yi ta va wa hombe ku hunza Agagi, Ni mufumo wakwe wu tava ni ntamu.

Mitsengo 24:7 Mawu Ofanana

2 Samueli 5:12

Davida i lo zi pima lezaku Jehova i mu yimisile a kuva hosi ya ka Israeli, i tlakusile mufumo wakwe hi kota ya vanhu vakwe va ka Israeli.

1 Tihosi 4:21

Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.

1 Tihosi 5:1

Hiramu a hosi ya le Tire i lo rumela malanza yakwe ka Solomoni, hakuva i wa zwile lezaku va mu totile a kuva hosi wutshanwini ga raru wakwe, hakuva Hiramu i wa hi xaka ga Davida wontihe masiku. 2 Sam. 5:11

1 Kronekele 14:2

Zonake Davida i lo zi pima lezaku Jehova i yimisile yena a kuva hosi hehla ka va ka Israeli, ni lezaku a mufumo wakwe wu tlakukile hi kota ya vanhu vakwe, a va ka Israeli.

Ezra 4:20

Ni kambe Jerusalema i muti wu nga fumelwa hi tihosi ta tinhenha ti nga wa fumela matiko wontihe ya le tlhatuko wa congo, ti khupelwa, ni ku lubyiwa, ti humeselwa hlengo. 1 Tih. 4:21

Estere 3:1

Anzhako ka lezo hosi Ahasuerusi i lo tlakusa Hamani nʼwana Hamedata a muAgage, a mu veka xitshanwini xa le hehla, a mu maha mufumeli wa tihosana leti a nga wa hi nato.

Tisimu 18:43

U nzi tlhatlhisile timholoveni ta tiko, U nzi mahile a hloko ya vamatiko, A tiko legi nzi nga gi tiviko gi lo nzi tirela.

Tisimu 68:26

Dumisani Nungungulu lomu tihlengeletanweni; Dumisani Hosi, nwina va hlowo ya ka Israeli. Isa. 48:1

Tisimu 72:11

Ina, tontlhe tihosi ti ta mu khizamela, A matiko wontihe ma ta mu tirela.

Tisimu 89:27

Futsi, nzi ta mu maha matewula ya mina, Nzi mu maha wahombe xikari ka tihosi ta misava.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Isaya 48:1

Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 51:13

Wena loyi u akileko lomu micongweni yo tala, u na nga ni titshomba tinyingi, a kugumelwa ka wena ku chikele, a wukamba ga wena gi mbhelile. Kuv. 17:1

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Mitsengo 24:20

Balaami, na wona Amaleki, i lo vumba aku: Amaleki ngwa ku ranga ka mifumo, Kanilezi hi magumo i ta lobyiswa. Ekso. Ekso. 17:8; 1 Sam. 15:7

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 17:1

Ku lota yinwe ya tingelosi ta ntlhanu ni timbiri leti ti nga hi ni ntlhanu wa mikhelo ni yimbiri, yi ta wulawula na mina, yiku: Ngona laha, nzi ta ku komba a kulamulwa ka xibhayi xa hombe lexi xi tshamileko lomu matini yo tala, Nah. 3:4; Xip. 18:16, 17, 19; 21:9

Kuvululelwa 17:15

Yi lo engeta yiku ka mina! A mati lawa u nga ma wona, laha xi tshamileko kona xibhayi, hi mifumo, ni zidlemo, ni matiko, ni tirimi. Isa. 8:7

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4