Mitsengo 23:9 - Tshwa Bible

⁹ Hakuva nza mu wona na nzi hi hehla ka ribye, Nzi mu cuwuka na nzi hi zitsungeni. Langutani, i vanhu lava va tshamako tlhelo, Lava va nga ti hlayiko ku fanana ni manwani matiko.

Mitsengo 23:9 Mawu Ofanana

Ezra 9:2

Hakuva va tekile a vanhwana vabye, va va tekanisa ni vana vabye, va tlhanganyisa a lixaka la ku basa ni vamatiko; a kuonha loku ku sangulwe hi tihosana ta vanhu ni vafumeli va kona. Ekso. 34:15; Deut. 7:1; Vala. 3:6

Estere 3:8

Hamani aku ka hosi Ahasuerusi: Ku na ni lixaka lo kari la vanhu ya kumekako xikari ka vanhu, va akileko matikweni wontihe ya mufumo wa wena. A milayo ya vanhu lavo yi hambene ni ya vanwani; ni kambe a va lanzeli milayo ya hosi. Hikwalaho a hosi a yi wuyelwi hi nchumu hi ku va tsika.

Eksodusi 33:16

Zi ta tibyiswa kuyini lezaku mina ni vanhu va wena hi kumile thomo mahlweni ka wena? Xana a hi loku u famba zinwe na hina ke? Zi nga lezo mina ni vanhu va wena hi ta nga woneka na hi hambene ni vontlhe vanhu lava va nga laha misaveni.

Jeremia 46:28

U nga chavi wena Jakobe, nanza ga mina, ku wula Jehova; Hakuva nzi zinwe na wena. Hakuva nzi ta mbhetisa wontihe a matiko Lawa nzi ku hangalasileko ka wona, Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 49:31

Sukani, muya tikweni legi gi nga kuruleni, gi tshamekileko, ku wula Jehova; a tiko gi nga hiko na tinyangwa hambu zikwinyaro, gi tshamileko gi hi gocb.

Amosi 9:9

Hakuva nzi ta leletela lezaku a yindlu ya ka Israeli yi heheriwa xikari ka matiko wontlhe, kukotisa a mavele ma heheriwako hi lihlelo, ku ngawi ni nzhoho yinwe lahasi.

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Deuteronome 32:8

Loku Loyi a nga Hehla-hehla a nyikileko matiko a tshomba ya wona, Laha yena na a hambanyisile a vanana va vanhu, I lo tsala mimbhingano ya vanhu Khwatsi hi wunyingi ga vanana va ka Israeli.

Deuteronome 33:28

Israeli i akile hi kurula, A hlowo ya Jakobe yi tshameka, A tikweni ga mavele ni vinya; Hakunene a tilo gakwe gi dona a nzhokati. Jer. 23:6; 33:16

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18