Mitsengo 23:23 - Tshwa Bible

²³ Hakuva ku hava wutumbe go vukela Jakobe; A ku na wungoma go vukela Israeli. Ku ta wuliwa ha Jakobe na Israeli hi xikhati xa zona, Zini lezi Nungungulu a nga zi mahangiko!

Mitsengo 23:23 Mawu Ofanana

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Tisimu 31:19

Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Tisimu 64:9

A vanhu vontlhe va ta chava, Va ta tlhatlhambutela mitiro ya Nungungulu, Va alakanya lezi a zi tirileko.

Isaya 41:4

Himani a mahileko lezi zilo a zi mbhelelisa? Hi yena loyi a vitanileko a zizukulwana za vanhu hi le kusanguleni; Mina Jehova, a wo ranga ni wo gumesa, nzi mina yena. Kuv. 1:8, 17; 22:73

Isaya 44:25

Nza tsetsula a mawunwa ya vahembi, Nzi maha vavumbi va hunguka. A titlhari nza ti tlhelisa nzhako, Nzi hunzula wutlhari gabye giva wupumbu;

Ezekieli 21:21

Hakuva a hosi ya le Babuloni yi yimile laha mahanzakanyeni ya tindlela timbiri, kasi ku vumba; yi chukumisa a tigalala, yi wutisa zifananiso, yi cuwuka lomu ka xivinzi.

Danieli 9:15

Hosi, Nungungulu wa hina, loyi u humesileko a vanhu va wena tikweni ga Gipite hi canja ga wena ga ntamu, u ti mahela a wudumo kala ni nyamutlha lezi, hina hi Onhile, hi mahile kubiha.

Mika 7:15

Nzi ta ya kombisa a zilo zi hlamalisako khwatsi hi masikwini ya kuhuma ka wena hi le Gipite.

Mitsengo 24:1

Laha Balaami a nga wona lezaku Jehova i xalaliswa hi ku katekisa Israeli, a nga lavangi kuya hi ku vumba khwatsi hi zinwani zikhati. Kanilezi i lo hunzulusa a nghohe yakwe a cuwuka a tlhelo ga le xiwuleni.

Mateu 12:25

Jesu na a tiva maalakanyo yabye i te ngalo ka vona: Ni wihi mufumo wu ti panzako ha woce wu ta hangalaka; ni wihi muti kutani yindlu yi ti panzako ha yoce yi nga ta ku tsonzoma. Xip. 9:4; Joh. 2:25; Kuv. 2:23

Mateu 12:27

Loku mina nzi hlongola madimoni hi Belzebuba, va ma hlongolisa hi mani a vapizani va nwina? Hikwalaho va ta maha valamuli va nwina.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Johani 11:47

Zonake a vapristi va hombe ni vaFarisi va lo tsombanyisa a huwo, vaku ngalo: Hi ta maha yini? A munhu loyi i maha ziwoniso zinyingi. Tis. 2:2; Mat. 26:3; Miti. 4:16

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Mitiro 15:12

A hlengeletano yontlhe yi lo miyela; yi ingisela Barnabasi na Paule na va hlawutela a ziwoniso ni zirewukiso lezi Nungungulu a zi mahileko ha vona xikari ka vamatiko.

Mitiro 4:16

vaku: Hi ta maha yini hi vanhu lava ke? Hakuva za su dlunya ka vontlhe lava va akileko le Jerusalema, lezaku xihlamaliso xa hombe xi mahilweko hi vona; hina a hi na ku xi kaneta. Joh. 11:47; Xip. 3:9

Mitiro 5:12

Ku lo mahiwa a ziwoniso ni zirewukiso zinyingi xikari ka vanhu hi mandla ya vapostoli. A makholwa wontihe ma lo tsombana le ligumbagumbeni la Solomoni, na va hi va mbilu yinwe. Mar. 16:15-20; Xip. 14:3; Rom. 15:8; Maheb. 2:4

Mitiro 5:14

Lava va nga kholwa ka Hosi va lo engetelwa nguvu, a wunyingi ga vavanuna ni vavasati;

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

Deuteronome 3:24

Hosi Jehova, wena u sangule ku kombisa ka nanza ga wena a wukulu ga wena, ni ntamu wa canja ga wena, hakuva hi wihi nungungulu le tilweni ni laha misaveni a nga mahako mi-tiro yo kota ya wena ke?

Joxua 13:22

Na Balami a nʼwana wa Beori loye a nga hi xitumbe, a vanana va ka Israeli va lo mu daya hi tlhari; zinwe ni vanwani lava va delweko.

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1