Mitsengo 23:19 - Tshwa Bible

¹⁹ Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Mitsengo 23:19 Mawu Ofanana

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

1 Tihosi 14:11

Kani hi wihi munhu wa ka Jeroboamu a ta nga fela laha mutini, i ta giwa hi timbyana; ni loyi a ta nga fela khwatini, i ta giwa hi tinyanyani ta tilo, hakuva Jehova i wulile lezo.

2 Tihosi 15:12

Legi hi gona a gezu legi Jehova a nga byela Jehu, aku: A vana va wena va ta tshama xitshanwini xa wuhosi ga ka Israeli kala xizukulwana xa wumune; zi lo mahisa zalezo.

2 Tihosi 7:2

Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

1 Kronekele 17:17

Lexo xilo xitsongwani mahlweni ka wena Nungungulu; hakuva u wulawulile hi yindlu ya nanza ga wena hi zikhati za kule za ha tako, u nzi kombisa a munhu a tlakusilweko, wena Jehova Nungungulu.

Tisimu 110:4

Jehova i hlambanyile, cima a nga ta hunzula: Wena u mupristi kala kupinzuka Hi tshamela ga Melkizedeki. Gen. 14:18; Maheb. 5:6, 10; 6:20

Tisimu 132:11

Jehova i mahile xihlambanyo xi nene ka Davida, Cima a nga ta hunzuluka ka xona; Ite: Nzi ta veka xitshanwini xa wuhosi xa wena a nʼwana wa nyimba ya wena. 2 Sam. 7:11; Miti. 2:30

Tisimu 77:9

Nungungulu i rivele kuva ni tipswalo ke? Kutani i tsikile ku hi hawukela hi kota ya zanga yakwe ke? (Sela.)

Tisimu 89:34

Nzi nga ta tshova a xivumelwano xa mina, Hambu ku hunzula a mhaka yi humileko nonwini wa mina. Mitse. 23:19

Tisimu 89:35

Nzi hlambanyile kanwe hi kubasa ka mina, A nzi na ku hemba ka Davida.

Isaya 21:17

ni misalela ya vamawura va tinhenha xikari ka vana va Kedare yi tava yitsongwani. Hakuva Jehova a Nungungulu wa Israeli i wulile lezo.

Isaya 31:2

Kasike na yenawu i tlharihile, i ta neha kukarateka; A nga tlhelisi timhaka takwe, Kanilezi i ta vukela a yindlu ya vakubiha, Ni vavuni va lava va mahako kubiha. Isa. 45:7; Am. 3:6

Isaya 40:8

A byanyi ga woma, ni xitsangi xa wuna, Kanilezi a mhaka ya Nungungulu wa hina yi ta simama kala kupinzuka. Mat. 5:18; Lu. 16:17; 21:33

Isaya 46:11

Nzi vitana a gama hi le Mutsuwuka-gambo, Ni munhu loyi a ta nga maha kuranza ka mina hi le tikweni ga le kule. Ina, nzi zi wulile, nzi ta zi maha zi tatiseka; Lezi nzi zi alakanyileko nzi ta zi maha.

Isaya 55:11

Yi tava tano a mhaka ya mina yi humako nonwini wa mina; Yi nga ta tlhelela ka mina mahala; Kanilezi yi ta maha lezi nzi zi xuvako, Yi ta hetisa lezi nzi yi rumeleko zona, Joh. 6:63; Miti. 12:24

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Danieli 4:28

Zontlhe lezi zi mahekile ka hosi Nebukadnezzare.

Hosea 11:9

Nzi nga ta humesa a kutshisa ka zanga ya mina, nzi nga ta tlhela nzi lovisa Efraime. Hakuva nzi Nungungulu, a nzi munhu; nzi Loyi wo Basa a nga xikari ka nwina, nzi nga ta enghena mutini hi zanga. Mitse. 23:19; 1 Sam. 15:29

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Malaki 3:6

Hakuva mina Jehova a nzi hunzuki, hi lexi xi nga maha nwina vana va Jakobe mu nga lovi, 1 Sam. 15:29; Isa. 14:24

Mitsengo 14:35

Mina Jehova nzi wulile zona, nzi ta maha zalezo ka tlhangano lowu wo biha lowu wu tlhanganako kulwa na mina, va ta mbhela lomu xiwuleni va fela kona.

Mitsengo 23:18

Balaami i lo vumba, aku: Vuka Balake, u ingisa! Demba ndleve, wena nʼwana wa Zipore!

Luka 21:33

A tilo ni misava zi ta hunza, kanilezi a timhaka ta mina ti nga ta hunza. Mat. 24:35

Va le Roma 11:29

Hakuva a zinyikiwo ni kuvitana ka Nungungulu a zi na kuhunzuka. Mitse. 23:19

Va le Roma 9:6

Kanilezi a hi ku khwatsi a mhaka ya Nungungulu yi tsanzekile; hakuva a vaIsraeli a hi vona vontlhe va nga huma hi ka Israeli. Gal. 6:16

2 Timote 2:13

Loku hi nga tsumbeki, yena i ta simamisa a tsumbekile; hakuva a nga na ku ti kaneta. Mitse. 23:19; Rom. 3:3; 9:6

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

Maheberu 7:21

Hakunene a vanwani va enghenisilwe xikhundleni xa wupristi a handle ka kuhlambanya, kanilezi yena i lo engheniswa hi kuhlambanya hi loyi a ngaku ngalo kakwe: A Hosi yi hlambanyile, yi nga ha ta hunzuluka, yite: Wena u mupristi kala kupinzuka. Tis. 110:4

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Jakobe 4:5

Kutani mu alakanya lezaku a Mitsalo yi wula mahala ke? Wa wu navela hi xiluse a moya lowu a wu mahileko lezaku wu tshama ka hina. Ekso. 34:14

Joxua 21:45

Ku wa nga hi kona a gezu ni ginwe gi wileko hasi ka wontihe magezu yo saseka laya Jehova a nga wa wulawula ka Yindlu ya Israeli: zontlhe zi lo maheka. Jox. 23:14; 1 Tih. 8:56

1 Samueli 15:29

Loyi a nga Ntamu wa va ka Israeli a nga hembi hambu ku hunzuluka, hakuva yena a hi munhu waku i ta hunzuluka.

1 Samueli 3:12

A siku lego nzi ta maha ka Eli zontlhe lezi nzi wulileko xungetano hi yindlu yakwe; nzi ta sangula, kala nzi mbheta.