Mitsengo 22:12 - Tshwa Bible

¹² Nungungulu i te ngalo ka Balaami: U nga fambi navo. U ngayi u ya phunga lavo vanhu, hakuva va katekisilwe.

Mitsengo 22:12 Mawu Ofanana

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

2 Kronekele 31:10

Azaria, a mupristi wa hombe wa yindlu ya ka Zadoke, i lo hlamula, aku kakwe: Kusukela xikhatini lexo va sanguleko ha xona, ku neha mihlengo lomu ndlwini ya Jehova, hi gile, hi xura, hi tlhela hi siya zinyingi, hakuva Jehova i katekisile a vanhu vakwe; ni lezi zi seleko hi zona zi teleko nguvu.

Tisimu 144:15

Va katekile a vanhu va kunghaho; Va katekile a vanhu lava Jehova a nga Nungungulu wabye.

Tisimu 146:5

I katekile loyi Nungungulu wa Jakobe a nga muvuni wakwe, Loyi a tsumbako Jehova, Nungungulu wakwe,

Isaya 61:9

A lixaka labye li ta tibyiwa xikari ka matiko, Ni vana vabye va ta tibyiwa xikari ka tixaka tinwani; Vontlhelele va ta nga va wona va ta va tiva Lezaku lixaka leli Jehova a li katekisileko.

Mika 6:5

Tiko ganga, alakanya a makungo ya Balake a hosi ya le Moabi, ni lezi Balaami a nʼwana Beore a mu hlamuleko zona, ni lezi zi nga humelela kusukela Xittimu kala Gilgale, kasi ma fela ku tiva a mitiro yi lulamileko ya Jehova. Mitse. 22:1—23:1; Jox. 2:1

Mitsengo 22:11

Languta a vanhu lava va tako hi le Gipite va kona, va fenengetile misava! Ngone lokuloku u tava phunga; kutani nzi ta zi kota ku va hlasela, nzi va hlongola lomu tikweni.

Mitsengo 22:13

Balaami i lo vuka ni mixo, aku ka tihosana ta Balake: Tlhelani mu famba ka nwina, hakuva Jehova wa nzi beletela ku famba na nwina.

Mitsengo 22:6

Ngona lokuloku, nza ku kombela, u ta nzi phungela lava vanhu, hakuva va na ni ntamu wo nzi hunza. Kutani nzi ta zi kota ku va hlula, ni ku va hlongola lomu tikweni, hakuva nza zi tiva lezaku loyi wena u mu katekisako i katekile, ni loyi u mu rukatelako i rukatelwe.

Mitsengo 23:23

Hakuva ku hava wutumbe go vukela Jakobe; A ku na wungoma go vukela Israeli. Ku ta wuliwa ha Jakobe na Israeli hi xikhati xa zona, Zini lezi Nungungulu a nga zi mahangiko!

Mitsengo 23:3

Zonake Balaami aku ngalo ka Balake: Yima kwalaho kusuhani ni muphahlo wa wena wo hiswa, mina nzi taya tlhelweni; kutani Jehova i tata woneka ka mina; zonake nzi ta ku byela lezi a ta nga nzi kombisa. I lo tlakukela kuya laha ku basileko.

Mitsengo 23:8

Nzi ta mu phungisa kuyini loyi Nungungulu a nga mu phungangiko ke? Nzi ta mu zangarelisa kuyini loku Jehova a nga mu zangarelangi ke?

Mitsengo 24:9

Yena i baramile, a xiyelela khwatsi i nghala, Ni ku kota a pswele ga nghala; Himani a ta nga mu vuxa ke? A va katekiswe lava va ku katekisako, Va rukatelwa lava va ku rukatelako. Gen. 49:9

Mateu 27:19

Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

Va le Roma 11:29

Hakuva a zinyikiwo ni kuvitana ka Nungungulu a zi na kuhunzuka. Mitse. 23:19

Va le Efesusi 1:3

A ku khesiwe Nungungulu tlhelo Dadani wa Hosi ya hina Jesu Kristu, loyi a hi katekisileko ka Kristu hi zikatekiso zontlhe za ka moya za le tilweni, Tis. 72:17

Deuteronome 2:7

Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Deuteronome 23:5

Hambu lezo Jehova Nungungulu wa wena a nga vumelangi ku ingisa Balaami; hikwalaho Jehova Nungungulu wa wena i lo hunzulusa kuphunga ku maha xikatekiso, hakuva Jehova Nungungulu wa wena i wa ku ranza.

Deuteronome 28:6

U ta katekiswa kuengheneni ka wena, u katekiswa ni kuhumeni ka wena.

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

Deuteronome 7:14

Wena u ta kateka ku hunza wontihe matiko; cima ku nga tava kona a ngonwa xikari ka nwina, a wanuna hambu wasati, hambu xifuyo tlhambini wa wena.