Mitsengo 21:7 - Tshwa Bible

⁷ A vanhu va lota ka Mosi, va ta ku ngalo: Hi onhile hakuva hi solile Jehova na wena; hikwalaho hi kombelele ka Jehova kasi a fela ku hlongola tinyoka xikari ka hina. Mosi i lo kombelela vanhu.

Mitsengo 21:7 Mawu Ofanana

Genesisi 20:17

Abrahama i lo kombela ka Nungungulu: na Nungungulu i lo hanyisa Abimeleki ni sati wakwe, ni malanza yakwe ya xisati; va lo beleka.

Genesisi 20:7

Hikwalaho tlhelisa a sati wa vambe, hakuva a nuna wakwe muprofeti, i ta ku kombelela u hanya, kanilezi loku u nga mu tlhelisi, zi tive lezaku wena u tafa futsi ni zontlhe lezi zi nga za wena.

1 Tihosi 13:6

Zonake a hosi yi te ngalo ka munhu wa Nungungulu: Kombela ka Jehova Nungungulu wa wena, u nzi khongelela kasi a canja ga mina gi fela ku tlhelela wutshanwini ga gona! Zonake a munhu wa Nungungulu i lo khongela ka Jehova, ni canja gakwe gi lo tlhelela wutshanwini ga gona kota kusanguleni. Ekso. 8:8; 9:28; Mitse. 21:7

2 Tihosi 13:4

Jehoahaza i lo khongela ka Jehova, Jehova a mu ingisa, hakuva i le wona kutsimbeketwa ka va ka Israeli loku a hosi ya le Siria yi nga wa va tsimbeketisa zona.

Joba 42:10

Zonake Jehova i lo tlhatlhisa Joba wukhumbini gakwe anzhako na a kombelele vanghana vakwe; na Jehova i lo anzisa ha kumbiri lezi Joba a nga wa hi nazo.

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Tisimu 106:23

Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Tisimu 78:34

Laha yena a nga va hihirita, zonake va lo mu hlota, Va hunzuluka, va hlotisisa Nungungulu.

Eksodusi 10:17

Makunu lezi ngha u nzi tsetselela a kuonha ka mina a khati legi basi, mu kombela ka Jehova, Nungungulu wa nwina, kasi a fela ku susa a ntungu lowu ntsena ka mina.

Eksodusi 32:11

Kanilezi Mosi i lo khongela ka Jehova, Nungungulu wakwe, aku: O Jehova! Hikuyini u zangarela a vanhu lava u va humesileko le Gipite hi mintamu ya hombe?

Eksodusi 32:30

Hi manziko wa kona, Mosi aku ka vanhu: Mu onhile a xionho xa hombe. Kanilezi nzi ta kanziha ka Jehova, kutani nzi taya maha a nzhiho wa xionho xa nwina.

Eksodusi 8:28

Zonake Faro aku: Nzi ta mu tlhatlha mu ya phahlela ka Jehova, Nungungulu wa nwina le xiwuleni, kanilezi mu ngayi kule. Nzi kombeleleni.

Eksodusi 8:4

A makhele ma ta kanziha hehla ka wena, ni hehla ka tiko ga wena, ni hehla ka malanza ya wena wontihe.

Eksodusi 8:8

Zonake Faro i lo vitana Mosi na Aroni, aku ka vona: Kombelani ka Jehova kasi a susa makhele ka mina, ni ka tiko ga mina. Zonake nzi ta tlhatlha a vanhu va ya phahlela ka Jehova.

Isaya 26:16

Jehova, va ku langutele kukaratekeni kabye, Laha u nga va tsayisa va lo rilela ka wena.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 37:3

Hosi Zedekia i, lo ruma Jehukali nʼwana Xelemia, na Zefania nʼwana Maaseya a mupristi, a ka Jeremia, aku: Hi kombelele makunu ka Jehova a Nungungulu wa hina.

Hosea 5:15

Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Mitsengo 11:2

A vanhu va lo rila ka Mosi; na Mosi i lo kombela ka Jehova, zonake a nzilo wu lo timeka.

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Mitiro 8:24

Simoni i lo hlamula, aku: Nzi khongeleleni ka Hosi, kasi nzi nga humelwi hi nchumu xa lezi mu zi wulawulileko.

Va le Roma 10:1

Vamakabye, a kuxuva ka mbilu ya mina, ni mukombelo wa mina ka Nungungulu ha vona, hi lezaku va hanyiswa.

Deuteronome 9:20

Yenawu Aroni, Jehova i wa zangarile ha yena, a lava ku mu daya, ka xwalexo xikhati nzi lo kombelela na Aroni.

Jakobe 5:16

Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12

1 Samueli 15:24

Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.

1 Samueli 15:30

Saule aku: Mina nzi onhile! Kanilezi nzi dzunze makunu mahlweni ka masingalakati ya vanhu va mina, ni mahlweni ka va ka Israeli, u tlhela na mina, kasi nza fela ku ya khizama mahlweni ka Jehova Nungungulu wa wena!