Mitsengo 20:6 - Tshwa Bible

⁶ Zonake Mosi na Aroni va lo suka laha ka hlengeletano vaya nyangweni ya tenda ga mutlhangano; va lo yawa lahasi hi tinghohe tabye; zonake a kungangamela ka Jehova ku lo woneka ka vona.

Mitsengo 20:6 Mawu Ofanana

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

Eksodusi 16:10

Laha Aroni a nga kari a wulawula ni hlengeletano ya vanana va ka Israeli, va lo cuwuka tlhelweni ga xiwula, languta, a kuhatima ka Jehova ku lo woneka le refini;

Eksodusi 17:4

Zonake Mosi i lo rila ka Jehova, aku: Nzi ta maha yini hi vanhu lava ke? Va lava ku nzi gandla hi maribye!

Mitsengo 12:5

Jehova i lo relela hi refu a yima laha nyangweni ya Tenda, a vitana Aroni na Miriamu. Va lo huma hi wumbiri gabye.

Mitsengo 14:10

A tlhangano wontihe wu lo lava ku va gandla hi maribye. Kanilezi a kungangamela ka Jehova ku lo woneka hehla ka tenda ga mutlhangano, a mahlweni ka vanana vontlhe va ka Israeli.

Mitsengo 14:5

Zonake Mosi na Aroni va lowa lahasi hi tinghohe tabye mahlweni ka tlhangano wontihe wa vanana va ka Israeli.

Mitsengo 16:19

Zonake Kora i lo tsombanyisa a ntlhangano wakwe wontihe laha nyangweni ya tenda ga mutlhangano, zonake a kungangamela ka Jehova ku lo woneka mahlweni ka tlhangano wontihe.

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10

Mitsengo 16:4

Laha Mosi na zwile lezo zilo, i lowa lahasi hi nghohe yakwe,

Mitsengo 16:42

Zonake laha a tlhangano wu nga wa tsombene a ku vukela Mosi na Aroni, vona va la su hunzulukela le tendeni ga mutlhangano, languta, a refu gi wa gi fenengetile, ni kungangamela ka Jehova ku lo woneka.

Mitsengo 16:45

Sukani xikari ka lowu tlhangano, nzi ta wu lovisa lokuloku. Kanilezi vona va lowa hi tinghohe tabye.

Mitsengo 20:7

Jehova i lo byela Mosi, aku:

Mateu 26:39

I lo famba mahlweni kutsongwani, a yawa hi nghohe yakwe, a khongela, aku: Dadani, loku zi koteka, a gombe legi a gi hunze ka mina; ahemba na ku nga mahiwi hi kuranza ka mina, kanilezi kota kuranza ka wena. Mar. 14:36; Joh. 12:27; Fil. 2:8

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.