Mitsengo 2:2 - Tshwa Bible

² A vanana va ka Israeli va ta gova a munwe ni munwani lahasi ka mujeke wa ngango wa vararu vakwe; va ta gova va cuwukana ni tenda ga mutlhangano, va gi ranzela vontlhe.

Mitsengo 2:2 Mawu Ofanana

Tisimu 74:4

A valala va wena va kanyulukile lomu tempeleni ya wena, Va vekile zikombiso zabye ziva zikombiso za kona.

Tisimu 76:11

Fungani ka Jehova a Nungungulu wa nwina, mu tatisa zifungo za nwina; Vontlhe lava va mu ranzeleko ngha va neha zinyikiwo ka loyi a faneleko ku chabyiwa. Deut. 23:21

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 18:3

Nwina nwentlhe vaaki va matiko, Vanhu vontlhe va misava, Cuwukani loku a nghapa yi tlakuswa hehla ka zitsunga; Ni loku paratana wu biwa, ingisani!

Ezekieli 43:7

I te ngalo ka mina: Nʼwana wa munhu, hi laha ku nga ni xitshamu xa mina xa wuhosi, a wutshamu legi nzi yimileko hi mikonzo ya mina, lomu nzi ta nga tshama xikari ka vanana va ka Israeli kala kupinzuka. A yindlu ya ka Israeli yi nga ta ha nyenyezisa a vito ga mina ga kubasa, vona ni tihosi tabye, hi wubhayi gabye ni zirumbi za tihosi tabye a kufeni ka tona, 2 Tih. 21:18, 26

Zakaria 9:16

Jehova Nungungulu wabye i ta va hanyisa hi siku lego, kota lezi va nga tlhambi wa tiko gakwe; hakuva va ta fana ni maribye ya lisima ma kwezimako lomu ka xidlodlo a tikweni gakwe.

Mitsengo 1:50

Kanilezi u ta veka mandleni ya vanana va ka Levi a tabemakeli ga wumboni ni zontlhe zibya za gona, ni zontlhe lezi zi lumbako gona. Vona va ta rwala a tabemakeli ni nhunzu yontlhe ya gona; va tira a ntiro wa gona, ni lezaku va ta gova kusuhani ni tabemakeli va gi rinzela.

Mitsengo 10:14

Va lo rangelwa hi nghapa ya wugovelo ga ka Juda; va lo andlamuka hi mabutho yabye. A yimpi ya ka Juda yi lo rangelwa hi Naxoni a nʼwana wa Aminadaba;

Mitsengo 10:18

Zonake ku lo suka a mabutho ya wugovelo ga ka Rubeni na ma rangelwa hi nghapa yabye. Eliazura a nʼwana wa Xedura i wa hi nduna ya yimpi leyo.

Mitsengo 10:22

Ku lo suka mabutho ya wugovelo ga va ka Efraime na va rangelwa hi nghapa yabye. Elixima a nʼwana wa Amihudi i wa hi nduna wa yimpi leyo.

Mitsengo 10:25

Ku lo suka a mabutho ya wugovelo ga ka Dani, hi lenzhako ka wontihe magovelo, na va rangelwa hi nghapa yabye. Ahiezere a nʼwana wa Amixadayi i wa hi nduna ya yimpi leyo.

Mitsengo 2:1

Jehova i lo wulawula ka Mosi ni ka Aroni, aku:

Mitsengo 2:10

Le Dzongeni ku tava ni mujeke wa wugovelo ga ka Rubeni, hi mabutho yabye; a hosana ya vanana va ka Rubeni hi Eliazura, a nʼwana wa Xedura,

Mitsengo 2:3

Le mahlweni, hi tlhelo ga Mutsuwuka-gambo, ku yimiswa mujeke wa nyangwa ya ka Juda hi mabutho yabye; ni hosana ya vana va ka Juda hi Naxoni a nʼwana wa Aminadaba,

Mitsengo 24:2

Zonake Balaami i lo tlakusa a mahlo yakwe a wona a va ka Israeli na va tshamile matendeni yabye hi tinyangwa tabye, zonake a Moya wa Nungungulu wu lota hehla kakwe.

1 Va le Korinte 14:33

Hakuva Nungungulu a hi Nungungulu wa woyonga, kanilezi wa kurula. Xip. 11:16

1 Va le Korinte 14:40

Kanilezi ngha zilo zontlhe zi mahiwa hi fanelo ni nayo.

Va le Filipi 1:27

Ntsena ngha na mahanyela ya nwina ma fanela a ivangeli ya Kristu; lezaku hambu nzita nzi ta mu wona, hambu nzi ngati, nzi fela kuzwa timhaka ta nwina lezaku mu yimile muku nde moyeni munwe, na mu lwela a kukholwa ka ivangeli hi mbilu yinwe,

Va le Kolosi 2:19

na a nga namareli ka loyi a nga Hloko, leyi ha yona a miri wontihe wu wundliwako ni ku tlhanganyiswa hi mahlakala ni misiha, wu kula hi kukula loku ku tako hi ka Nungungulu.

Joxua 3:4

Kanilezi a kuve kona a pfhukana xikari ka gona na nwina wa xipimo xa 2,000 wa mikono, mu nga tshineli laha kusuhani kasi mu wona a ndlela leyo mu ta nga famba ha yona, hakuva nwina a mu se nga famba hi leyo ndlela ka masiku ma hunzileko.