Mitsengo 18:8 - Tshwa Bible

⁸ Jehova i lo wulawula kambe ka Aroni, aku: Languta, zontlhe lezi zi basileko, lezi a vanana va ka Israeli va zi nyikelako ka mina, nzi ku nyikile wena. Nzi ku nyikile zona, kasi zi avelwa ka wena ni vana va wena, xi tava xiavelo xa kala kupinzuka.

Mitsengo 18:8 Mawu Ofanana

2 Tihosi 12:16

Kanilezi a mali ya miphahlelo ya milanzu, ni mali ya miphahlelo ya zionho yi wa nga nehiwi lomu ndlwini ya Jehova; yi wa hi ya vapristi. Levi 5:15; 7:7; Mitse. 5:9

2 Kronekele 31:4

Kambe i lo leletela a vanhu va tiko, a vaaki va Jerusalema, a ku nyika xiavelo xa vapristi ni vaLevi, xiva xiavelo xabye kasi va kuma ntamu ku namarela nayweni wa Jehova.

2 Kronekele 31:5

Zalezo laha a xileletelo na xi tiyisilwe, a va ka Israeli va lo humesa mihanzu yinyingi yo ranga ya mavele, ni ya vinya, ni ya mafura, ni ya wulombe, ni ya mihanzu yontlhe ya masimu; va lo neha mihanzu yinyingi ya za wukhume.

Eksodusi 28:43

Aroni ni vana vakwe va ta ma ambala loku va enghena lomu tendeni ga mutlhangano, ni loku va tshinela laha alatini ku ya tira mitiro lomu ka wutshamu go basa, kasi va nga dzuki va kuma nanzu, vafa. Xi tava xileletelo xa kala kupinzuka, xi nyikilweko ka Aroni ni zizukulwana zakwe.

Eksodusi 29:21

U ta teka a nkhata lowu wu nga lomu alatini ni mafura yo tola, u nwatsekela Aroni ni tinguwo takwe, ni vana vakwe ni tinguwo tabye, lezo i tava a basileko, yena ni tinguwo takwe, ni vana vakwe zinwe ni tinguwo tabye.

Eksodusi 29:28

zi tava za Aroni ni vana vakwe, kona ku tava xileletelo xa kala kupinzuka xikari ka vanana va ka Israeli, hakuva xinyikiwo lexi xi pambulweko ka vanana va ka Israeli, lexi va ta nga pambula laha miphahlweni yabye ya kukhesa; hi xinyikiwo xabye lexi xi pambulweko ka Jehova.

Eksodusi 29:29

A tinguwo ta Aroni leti ti basileko, ti tava ta vana vakwe anzhako ka yena, kasi va ta ambala a siku lego va ta nga wumbelwa ni ku totiwa.

Eksodusi 40:13

zonake u ta ambexa Aroni hi tinguwo leti ti basileko, u mu tota, u mu basisa kasi a tira a ntiro wa wupristi mahlweni ka mina.

Eksodusi 40:15

u va tota khwatsi hi raru wabye, kasi va tira a ntiro wa wupristi mahlweni ka mina. Hi kutotwa kabye va ta wumbelwa a wupristi ga pinzukelwa ka zontlhe zizukulwana zabye.

Isaya 10:27

A ka xikhati lexo a nzwhalo wa yena wu ta susiwa makatleni ya wena, ni muyoka wakwe wu ta susiwa nhanwini ya wena, hakuva muyoka wu ta tshoveka hi kota ya kutotiwa.

Levi 21:10

Loyi a nga mupristi wa hombe xikari ka vamakabye vakwe, loyi a chelilweko mafura hlokweni yakwe, loyi a wumbelweko ku ambala tinguwo to basa, ngha hloko yakwe yi nga tshami ni tshitshi, hambu ni ku hanzula tinguwo takwe.

Levi 23:20

A mupristi i ta zi nziwitela zinwe ni zibaba za mihanzu yo ranga a kuva munyikelo wa ku nziwitela mahlweni ka Jehova; zi tava za kubasa za Jehova zinwe ni tihamba timbiri, zonake zi tava za mupristi.

Levi 6:16

Lezi zi to sala zi ta giwa hi Aroni ni vana vakwe. Va ta ziga ni zibaba zi nga comelwangiko wutshanwini go basa, lomu hubyeni ya tabemakeli ga mutlhangano.

Levi 6:18

Vontlhe vavanuna va vana va Aroni; va ta ziga. Xiavelo xabye kala kupinzuka ka zizukulwana za nwina ka miphahlo leyi yi hiselwako Jehova. Kani hi wihi loye a ta nga zi khumba i tava a basile.

Levi 6:20

A munyikelo wa Aroni ni vana vakwe, lowu va ta nga nyikela a siku ga ku totiwa hi lowu: A xipanze xa wukhume xa efa ga mapa yo saseka, wu tava muphahlo wa zakuga a masiku ni masiku; va ta nyikela a khihlanya ni mixo, ni khihlanya laha gambyeni,

Levi 6:26

A mupristi loye a nyikelako munyikelo wa kuonha, hi yena a ta nga wuga; wu ta gelwa wutshanwini legi go basa, hubyeni ya tabemakeli ga mutlhangano.

Levi 7:14

A ka muphahlo lowu i ta pambula xibaba xinwe kada lixaka, a kuva munyikelo wa ku tlakuselwa mahlweni ka Jehova; zi ta lumba a mupristi loye a nwatsekelako alatini a nkhata wa muphahlo wa kubonga.

Levi 7:28

Jehova i lo wulawula ka Mosi, aku:

Levi 7:6

A vavanuna vontlhe xikari ka vapristi va taga a nyama ya kona. Va ta yi gela wutshanwini ga kubasa; yi basile nguvu.

Levi 8:30

Mosi i lo teka a mafura yo tola, ni nkhata lowu wu nga alatini, a nwatsekela ha wona Aroni ni vana vakwe, zinwe ni tinguwo tabye, a basisa Aroni ni tinguwo takwe, ni vana vakwe ni tinguwo ta vana vakwe.

Mitsengo 18:9

A xikari ka zilo lezi zi basileko, ahandle ka lezi zi hisiwako, a za wena hi lezi: hi minyikelo yabye yontlhe, ni minyikelo yabye ya zakuga, ni miphahlo yontlhe ya kuonha, ni miphahlo yontlhe ya milanzu, leyi va ta nga maha minzhiho ka mina; zontlhe zilo lezi zi basileko nguvu zi tava za wena ni vana va wena.

Mitsengo 5:9

Zontlhe zinyikiwo za kubasa, lezi a vanana va ka Israeli va zi nehako ka mupristi, zi tava zakwe. Ekso. 29:28; Levi 10:13

1 Va le Korinte 9:13

Xana a mu zi tivi lezaku lava va tirako tempeleni vaga a zilo za tempeli, ni lezaku lava va tirako alatini va kuma xiavelo zinwe ni alati ke? Levi 6:16

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 12:6

Mu ta yisa laho a miphahlo ya nwina ya kuhiswa, ni miphahlelo ya nwina, ni za wukhume za nwina, ni miphahlelo ya nwina ya ku nziwitela, ni miphahlo ya zifungo za nwina, ni miphahlo ya kuranza ka nwina, ni matewula ya zifuyo za nwina za hombe ni lezi za zitsongwani.

Deuteronome 18:1

Vapristi ni vaLevi ni vontlhe va nyangwa ya ka Levi, va nga ta kuva na tshomba zinwe ni va ka Israeli; vona va ta kuma kuga kabye lomu ka miphahlo leyi yi hiselwako Jehova ni lezi zi nga tshomba yakwe. Mitse. 18:20; 1 Kor. 9:13

Deuteronome 26:13

zonake u ta wulawula mahlweni ka Jehova Nungungulu wa wena, uku: Mina nzi humesile lomu ndlwini ya mina a zilo lezi zi basileko, nzi zi nyikele ka muLevi, ni muluveli, ni xisiwana, ni noni khwatsi hi lezi u nzi leleteleko; mina a nzi hambunyetangi ni wunwe nayo wa wena, hambu ni ku wu rivala.

Maheberu 1:9

Wena u ranzile kululama, u venga kubiha; Hikwalaho Nungungulu, a Nungungulu wa wena I ku totile hi mafura ya litsako ku hunza vanakuloni. Isa. 61:1; Miti. 4:27; 16:38

1 Johani 2:20

Nwina mu totilwe hi Loyi wa Kubasa, ma zi tiva zilo zontlhe. Joh. 10:4, 5; Miti. 3:14; Maheb. 1:9

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10