Biblia Todo Logo
Baibulo la pa intaneti

- Zotsatsa -




Mitsengo 18:7 - Tshwa Bible

7 Kanilezi wena ni vana va wena, mu ta tira a ntiro wa wupristi ga nwina ka zontlhe za alati, ni ka lezi zi nga lomu nzeni ka xisirelo; mu tira a ntiro wa nwina lomo. A wupristi i ntiro wu nga xinyikiwo xa nwina ntsena, kanilezi a mupfhumba loyi a tshinelako lomo i ta dawa.

Onani mutuwo Koperani




Mitsengo 18:7
28 Mawu Ofanana  

Nwina yindlu ya ka Aroni, tsumbani Jehova, Hi yena muvuni wabye ni xitlhangu xabye.


U ta tshineta nakuloni Aroni ni vana vakwe kusuhani ka wena, u va hlawula xikari ka vanana va ka Israeli, kasi va tira a ntiro wa wupristi mahlweni ka mina: ku tava yena Aroni, ni vana vakwe, Nadabi, na Abihu, na Eleazari, na Itamari.


Zonake u ta boha Aroni ni vana vakwe hi mabhandi, u va vekela zihuku zonake va tava vapristi kala kupinzuka; u ta va wumbelisa lezo Aroni ni vana vakwe.


Kanilezi a vapristi va ka Levi, va nga vana va Zadoke, lava va nga hlayisa a ntiro wa wutshamu ga mina ga kubasa, a xikhati lexi a vanana va ka Israeli va nga nzi fularele, va ta tshinela mahlweni ka mina a ku ta nzi tirela; va ta yima mahlweni ka mina va nzi humesela a mafura ni nkhata, ku wula Hosi Jehova.


Va ta enghena wutshanwini ga mina ga kubasa, va tshinela mezeni ya mina va nzi tirela, va tatisa tifanelo tontlhe.


A mu hlayisangi a zibya za mina zi basileko nwina wutsumbu, kanilezi mu yimisile vanwani akuva va tira mitiro ya wutshamu ga mina ga kubasa.


Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.


Hi xona xiavelo xa Aroni ni vana vakwe ka yontlhe miphahlo leyi yi hiselwako Jehova, va nga nyikwa xona a sikwini va nga wumbelwa ntirweni wa wupristi ka Jehova.


Kasi loku a tabemakeli gi Suka, a vaLevi va ta gi tlhatlha, ni loku a tabemakeli gi yimiswa, a vaLevi va ta gi zimekela; kanilezi a wamatiko loye a tshinelako kusuhani ka gona i ta dawa.


ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.


Jehova i lo wulawula ka Aroni, aku: Wena u nga ta kuva ni tshomba lomu tikweni gabye, wena u nga tava ni xiavelo xikari kabye; hakuva mina nzi xiavelo xa wena ni tshomba ya wena xikari ka vanana va ka Israeli. Deut. 10:9; Ezek. 44:28


Vona va ta ku vuna ntirweni wa wena, ni ka mitiro yontlhe ya tenda; kanilezi va nga dzuki va henya a zibya za wutshamu ga kubasa ni alati, mu ngafa zinwe navo.


Kanilezi Aroni ni vana vakwe u ta va yimisa lezaku va tira a ntiro wa wupristi; kanilezi a wamatiko loye a ta nga tshinela laho i ta dawa.


Kanilezi Mosi na Aroni ni vana vakwe va wa gova le mahlweni ka tabemakeli tlhelo ga Mutsuwuka-gambo, va hlayisela a vanana va ka Israeli a wutshamu ga kubasa; kanilezi a wamatiko loyi a tshinelako ka gona i ta dawa.


Hanyisani lava va babyako, mu vuxa a vafileko, mu basisa tihlokonho, mu humesa madimoni. Mu amukele hi matsenya, nyikani hi matsenya.


Johani i lo hlamula, aku: A munhu a nga na ku amukela nchumu, loku a nga nyikiwi zona hi le tilweni. 1 Kor. 4:6; Maheb. 5:4; Jak. 1:17


Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27


Cima va nga ta kuva na tshomba xikari ka vamakabye vabye; a tshomba yabye hi Jehova, kota lezi a wulileko ka vona.


Kambe a ku na munhu a ti tekelako a xikhundla lexi, sine loku a vitanilwe hi Nungungulu, kota yena Aroni. Ekso. 28:1; 1 Sam. 13:9; Joh. 3:27


Kanilezi a va ka Levi, a va na xiavelo xikari ka nwina, hakuva a wupristi ga Jehova hi yona tshomba yabye. Kasike Gadi na Rubeni, ni khihlanya ga nyangwa ya ka Manasa, va amukele xiavelo xabye le tlhatuko wa Jordani, hi le Mutsuwuka-gambo, leyi Mosi a nanza ga Jehova a va nyikileko. Mitse. 18:20; Deut. 10:9


Risani a ntlhambi wa Nungungulu lowu mu nga nawo, mu nga wu hlayisi hi kukurumetwa kanilezi hi ku zi ranza; na ku nga hi ku tirela bhinzu, kanilezi hi matsenya; Joh. 21:15-17; 1 Kor. 9:17


na ku nga hi ku khwatsi mu tihosi hehla ka zipanze lezi mu avelweko zona, kanilezi mu maha zikombiso ka ntlhambi. Mat. 20:25; Fil. 3:17


Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?


Titsatireni:

Zotsatsa


Zotsatsa