Mitsengo 18:32 - Tshwa Bible

³² Loku mu nyikele hi lezi zi sasekileko nguvu cima mu nga tava ni nanzu; kanilezi mu nga hanahanisi a zinyikiwo lezi zi basileko za vanana va ka Israeli, mu ngafa.

Mitsengo 18:32 Mawu Ofanana

Eksodusi 28:43

Aroni ni vana vakwe va ta ma ambala loku va enghena lomu tendeni ga mutlhangano, ni loku va tshinela laha alatini ku ya tira mitiro lomu ka wutshamu go basa, kasi va nga dzuki va kuma nanzu, vafa. Xi tava xileletelo xa kala kupinzuka, xi nyikilweko ka Aroni ni zizukulwana zakwe.

Levi 19:8

Loye a ta nga ziga i tava ni nanzu, hakuva i kanyisile lezi zi basiselweko Jehova. A munhu loye i ta susiwa xikari ka va ka kabye.

Levi 22:2

Byela Aroni ni vana vakwe lezaku va ti wonela ka zilo lezi zi basileko za vanana va ka Israeli, ni lezaku va nga dzuki va nyenyezisa a vito ga mina go basa, a zilweni lezi va zi basiselako mina. Hi mina Jehova.

Malaki 1:7

Mu nyikela a zakuga za nyalidede alatini ga mina. Zonake muku: Hi ku nyenyezisile hi yini? Lezi mu nge ngalo: A meza ya Jehova ya soleka.

Mitsengo 18:22

Kasi a vanana va ka Israeli va nga ha tshineli kusuhani ka tenda ga mutlhangano, ku nga taku va ti rwexa a nanzu vafa.

Mitsengo 18:31

Nwina mu ta ziga ni ka gihi wutshamu, nwina ni mingango ya nwina; hakuva i nchachazelo wa nwina wa mitiro ya nwina leyi mu tirako lomu tendeni ga mutlhangano.

Mitsengo 19:1

Jehova i lo wulawula ka Mosi na Aroni, aku:

1 Va le Korinte 11:27

Hikwalaho kani hi wihi a gako a xibaba ni kunwa a gombe ga Hosi hi kungafaneliko, i tava ni nanzu wa miri ni nkhata wa Hosi. Mitse. 9:10; Joh. 6:51; 13:27

1 Va le Korinte 11:29

Hakuva loyi a gako ni kunwa na a nga hambanyisi xikari ka miri wa Hosi ni kuga kunwani, i ti gela a ti nwela kulamulwa.