Mitsengo 18:20 - Tshwa Bible

²⁰ Jehova i lo wulawula ka Aroni, aku: Wena u nga ta kuva ni tshomba lomu tikweni gabye, wena u nga tava ni xiavelo xikari kabye; hakuva mina nzi xiavelo xa wena ni tshomba ya wena xikari ka vanana va ka Israeli. Deut. 10:9; Ezek. 44:28

Mitsengo 18:20 Mawu Ofanana

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Tisimu 142:5

Jehova, nza rila ka wena, Nziku: Wena u wuchavelo ga mina, U xiavelo xa mina laha misaveni ya vahanyako.

Tisimu 16:5

Jehova hi xiavelo xa mina ni gombe ga mina; Hi wena u gongolako a tshomba ya mina.

Tisimu 73:26

A miri wa mina ni mbilu ya mina zi rerekile, Kanilezi Nungungulu hi ribye ga mbilu ya mina, Xiavelo xa mina kala kupinzuka.

Mikosi 3:24

Jehova xiavelo xa mina, ku wula muhefemulo wa mina, Hikwalaho nzi ta mu tsumba.

Ezekieli 44:28

Va tava ni tshomba, a tshomba yabye hi mina. Mu nga va nyiki tiko lomu tikweni ga Israeli, a tiko gabye hi mina. Mitse. 18:20; Deut. 10:9; Jox. 13:14

Mitsengo 18:7

Kanilezi wena ni vana va wena, mu ta tira a ntiro wa wupristi ga nwina ka zontlhe za alati, ni ka lezi zi nga lomu nzeni ka xisirelo; mu tira a ntiro wa nwina lomo. A wupristi i ntiro wu nga xinyikiwo xa nwina ntsena, kanilezi a mupfhumba loyi a tshinelako lomo i ta dawa.

Mitsengo 26:62

A tsengo wabye va wa hi 23,000, vontlhe vavanuna, kusukela ka lava va nga hi ni hweti yinwe a wukale ni ku hunza; hakuva vona a va patsiwangi ka tsengo wa vanana va ka Israeli, hilezi vona a va avelwangi tshomba zinwe ni vanana va ka Israeli.

Deuteronome 10:9

Hikwalaho a vaLevi a va na ku avelwa tshomba zinwe ni vamakabye vabye. Tshomba yabye hi Jehova, khwatsi hi lezi Jehova Nungungulu wa wena a mu byelileko. Mitse. 18:20; Jox. 18:7

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 14:27

Kanilezi u nga rivali muLevi loyi a nga laha mutini wa wena, hakuva yena a nga na xiavelo ni tshomba zinwe na wena.

Deuteronome 14:29

Zonake a muLevi i tata, hakuva yena a nga na xiavelo ni tshomba kota wena, ni muluveli ni xisiwana, ni wasati wa noni, lava va nga laha mutini wa wena, va taga va xura; kasi Jehova Nungungulu wa wena a fela ku ku katekisa mitirweni yontlhe ya wena, leyi u ta nga tira hi mandla ya wena.

Joxua 13:14

Ntsena lezaku a lixaka la ka Levi a nga va nyikangi a tshomba; a tshomba yabye hi miphahlo leyi yi hiselwako Jehova Nungungulu wa ka Israeli, khwatsi hi lezi a va byelileko. Deut. 10:9; Ezek. 44:28

Joxua 13:33

Kanilezi a lixaka la ka Levi, Mosi a nga Va nyikangi a tshomba. Jehova Nungungulu wa ka Israeli i tshomba yabye, kota lezi a wulileko kabye.

Joxua 14:3

Hakuva Mosi i wa sina a nyikile a tshomba ka tinyangwa leti ta timbiri, ni ka khihlanya ga nyangwa le tlhatuko wa Jordani; kanilezi ka vaLevi a nga nyikangi tshomba xikari kabye.

Joxua 18:7

Kanilezi a va ka Levi, a va na xiavelo xikari ka nwina, hakuva a wupristi ga Jehova hi yona tshomba yabye. Kasike Gadi na Rubeni, ni khihlanya ga nyangwa ya ka Manasa, va amukele xiavelo xabye le tlhatuko wa Jordani, hi le Mutsuwuka-gambo, leyi Mosi a nanza ga Jehova a va nyikileko. Mitse. 18:20; Deut. 10:9

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16