Mitsengo 18:13 - Tshwa Bible

¹³ Yontlhe mihanzu yo ranga yi nga lomu tikweni gabye leyi va ta nga neha ka Jehova, yi tava ya wena. Vontlhe lava va hlazekileko lomu ndlwini ya wena Va taga.

Mitsengo 18:13 Mawu Ofanana

2 Tihosi 4:42

Makunu laho ku lota a munhu hi le Baal-Xalixa a neha zakuga ka munhu wa Nungungulu, a zibaba za mihanzu yo ranga, 20 wa zibaba za sevada ni mavele ya zipfhaki zo tsakama lomu kwameni wakwe. Elixa i te ngalo kakwe: Nyika a vanhu lava vaga! Mitse. 18:31; Mat. 14:15; Joh. 6:5

2 Kronekele 31:5

Zalezo laha a xileletelo na xi tiyisilwe, a va ka Israeli va lo humesa mihanzu yinyingi yo ranga ya mavele, ni ya vinya, ni ya mafura, ni ya wulombe, ni ya mihanzu yontlhe ya masimu; va lo neha mihanzu yinyingi ya za wukhume.

Eksodusi 22:29

U nga hlweli a ku humesa a munyikelo wa mavele ya wena, ni wa vinya ga wena. U ta nzi nyika a matewula ya vana va wena.

Eksodusi 23:19

A mihanzu yo sangula ya tiko ga wena, u ta yi neha ndlwini ya Jehova, Nungungulu wa wena.

Eksodusi 34:26

A mihanzu yo ranga ya masimu ya wena, u ta yi neha lomu ndlwini ya Jehova, Nungungulu wa wena. U nga dzuki u bhika a ximhutana hi mafi ya nyine wa xona.

Jeremia 24:2

A xirunzu xinwe xi wa hi ni makuwu yo saseka nguvu, ku fanana ni makuwu lawa yo ranga ku buva; a xinwani xirunzu xi wa hi ni makuwu yo swara nguvu, lawa ma nga zi kotiko ku giwa, hakuva ma wa bihile nguvu.

Ezekieli 44:30

Leʼza chukwana za mihanzu yontlhe yo ranga, ni minyikelo yontlhe yi nyikwako Nungungulu yi tava ya vapristi. Kambe mu ta nyika vapristi a mapa ya nwina yo ranga, kasi ku tisa makatekwa ndlwini ya wena. Ekso. 23:19; Mitse. 15:20; 18:12

Hosea 9:10

Nzi thumbile Israeli khwatsi mauva ya lomu xiwuleni; nzi wonile a vadadani va nwina khwatsi mihanzu yo sangula ya nkuwu wa ha tewulako. Kanilezi vona va lota le Baal-peora, va ti nyikela ka nungungulu wa tingana, vave manyalataniso ku fanana ni loyi va nga mu ranza. Mitse. 25:3; Jer. 3:24

Levi 22:7

Kanilezi loku a gambo gi pelile i tava a hlazekile; zonake i taga a zilo lezi zi basileko, hakuva zakuga zakwe.

Levi 23:17

Mu ta neha zibaba zimbiri za munyikelo wa ku nziwitela, na zi hi lezi zi humako mitini ya nwina, na zi hi za tipimo timbiri ta wukhume ta efa ga mapa yo saseka lezi zi bhikilweko ni comelo; hi yona mihanzu yo ranga ya Jehova.

Mika 7:1

I khombo ka mina! hakuva nzi kotisa a simu legi a mihanzu ya gona yi phophilweko, ni xivina lexi a mauva ya xona ma kolelweko; a ka hi na xitata xa mauva lexi xi nga giwako, hambu ni mihanzu yo ranga ya kuwu leyi nzi yi ranzako. Mat. 21:19

Deuteronome 18:4

Ni kambe u ta mu nyika a mihanzu yo ranga ya mavele ya wena, ni ya vinya ga wena, ni ya mafura ya wena, ni woya go ranga ga tiyivu ta wena;

Deuteronome 26:2

u ta teka mihanzu yo ranga yontlhe leyi u yi kumileko lomu tikweni legi Jehova Nungungulu wa wena a ku nyikileko gona, u yi chela lomu xirunzwini, u famba nayo ka wutshamu lego Jehova Nungungulu wa wena a ta nga gi hlawula ku aka a vito gakwe laho.