Mitsengo 18:1 - Tshwa Bible

¹ Jehova i te ngalo ka Aroni: Wena ni vana va wena, ni ngango wa raru wa wena, mu ta rwala a nanzu wa yindlu ya kubasa, ni lezaku wena zinwe ni vana va wena mu ta rwala a nanzu wa wupristi ga nwina.

Mitsengo 18:1 Mawu Ofanana

Eksodusi 28:38

Xi tava laha ximombyeni xa Aroni; Aroni i ta rwala a zivi lezi zi ta nga namarela ka zinyikiwo zo basa zi ta nga nehiwa hi vanana va ka Israeli, laha na va neha miphahlo yabye yi basileko. Xi tava ximombyeni xakwe xontlhe xikhati, kasi va amukeleka mahlweni ka Jehova.

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Isaya 53:6

Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Ezekieli 4:4

Zonake u ta etlela hi reve ga xibhabha, u veka kugoha ka yindlu ya ka Israeli ka wena. A ka masiku lawa u ta nga etlela ka gona, u ta rwala a kugoha kabye.

Levi 10:17

Hikuyini mu nga kala kuga a muphahlo wa kuonha laha wutshanwini ga ku basa ke? Hakuva zilo za kubasa nguvu; mu nyikilwe zona kasi mu fela ku rwala kuonha ka ntlhangano, mu va mahela a nzhiho wa wuyiselelo mahlweni ka Jehova.

Levi 22:16

kasi va ti rwexa nanzu laha na vaga a zilo zabye za kubasa; hakuva hi mina Jehova loyi a va basisako.

Levi 22:9

Hikwalaho va ta hlayisa milayo ya mina, kasi va nga kumi nanzu hi kota ya lezi zilo, vafa hi kota ya ku ti nyenyezisa kabye. Hi mina Jehova loyi a va basisako.

Mitsengo 14:34

Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!

Mitsengo 16:10

I ku tshinetile kusuhani na yena, wena ni vamakabye va wena vontlhe va vana va ka Levi, ni lezo ma ha navelako a kuva vapristi kambe!

Mitsengo 17:13

Loyi ni loyi, lava va tshinelako ka tabemakeli ga ka Jehova, ofa. Xana hi ta mbhela hina hontlhe hi kufa ke?

Mitsengo 17:3

u tsala a vito ga Aroni ka nhonga ya ka Levi, hakuva a hosana yinwe ni yinwani ya tinyangwa yi tava ni nhonga yinwe.

Mitsengo 17:7

Zinghaho Mosi i lo veka tinhonga mahlweni ka Jehova, lomu tendeni ga wumboni.

Mitsengo 18:11

Lezi zi ta ngava za wena kambe hi lezi: lezi zi humako lomu minyikelweni ya ku nziwitela ya vanana va ka Israeli; nzi yi nyikile wena ni varisanyana va wena ni vanhanyana va wena, xona xi tava xiavelo xa kala kupinzuka. Vontlhe lava va hlazekileko va yindlu ya wena va taga.

Mitsengo 3:6

Tshineta a lixaka la ka Levi, u li yimisa mahlweni ka mupristi Aroni, kasi va ta mu vuna.

Deuteronome 10:8

Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.

Maheberu 13:17

Ingisani a varangeli va nwina, mu ti koramisa ka vona; hakuva va rinzela a mihefemulo ya nwina, hakuva va ta ti hlamulela ha yona. Va ingiseni lezaku va fela ku tira hi kutsaka, na ku nga hi kuketa; hakuva lezi zi nga ta mu vuna nchumu. Ekso. 3:17; 1 Tim. 5:17

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

Valamuli 17:12

Zonake Mika i lo nyikelisisa a muLevi loye, kunene a jaha lego gi lo maha mupristi wakwe, a tshama laha ngangweni wa Mika.