Mitsengo 17:13 - Tshwa Bible

¹³ Loyi ni loyi, lava va tshinelako ka tabemakeli ga ka Jehova, ofa. Xana hi ta mbhela hina hontlhe hi kufa ke?

Mitsengo 17:13 Mawu Ofanana

Genesisi 3:3

kanilezi a mihanzu ya sinya leyi yi nga xikari ka simu, Nungungulu i te ngalo, mu nga ta yiga, hambu ni ku yi henya, kasi mu ngafi.

2 Samueli 24:25

Zonake Davida i lo aka a alati ga Jehova; a nyikela miphahlelo ya kuhiswa, ni miphahlelo ya kurula; hilezo Jehova i lo tsetselela a vanhu, zonake a ntungu wa khawula lomu ka Israeli.

1 Kronekele 15:13

Lezo nwina mu nga hi hava kusanguleni, Jehova Nungungulu wa hina i mahile xigirimuka xikari ka hina, hi ku kala hi nga mu vitanangi, khwatsi hi lezi ku leletelweko.

Tisimu 90:7

Hakuva hi mbhetiswa hi zanga ya wena, Hi chaviswa hi khulo ga wena.

Isaya 28:22

Makunu hi nga tsikani ku tseketsela, Kasi ziboho za nwina zi nga engeti zi tiyisiwa; Hakuva nzi zwile hi ka Hosi Jehova wa tiyimpi Lezaku ku bilwe hungu hi kulobyiswa misaveni yontlhe.

Mitsengo 16:26

Mosi i lo byela a tlhangano wontihe aku ngalo: Humani matendeni ya vanhu lava vo biha, mu nga henyi ni nchumu xa lezi zi nga zabye, mu nga loviswa hi kota ya zionho zabye zontlhe.

Mitsengo 18:1

Jehova i te ngalo ka Aroni: Wena ni vana va wena, ni ngango wa raru wa wena, mu ta rwala a nanzu wa yindlu ya kubasa, ni lezaku wena zinwe ni vana va wena mu ta rwala a nanzu wa wupristi ga nwina.

Mitsengo 25:8

I lo lanza inaloye le tendeni gakwe, a ya va tlhava vontlhe hi wumbiri gabye a va patsa khatiginwe, muIsraeli ni wasati loye rumbyini gakwe. Zonake a ntungu wu lo khawula xikari ka vanana va ka Israeli.

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.

Mitiro 5:5

Laha Ananiasi na a zwile magezu lawa i lowa hasi afa; vontlhe lava va nga zizwa va lo chava nguvu.

Va le Efesusi 2:13

Kanilezi makunu ha Kristu Jesu, nwina lava mu nga hi kule, mu tshinetilwe hi nkhata wa Kristu. Gal. 3:28

Deuteronome 2:16

Laha na ku mbhelile tinhenha tontlhe xikari ka vanhu,