Mitsengo 17:10 - Tshwa Bible

¹⁰ Jehova i te ngalo ka Mosi: Tlhelisa a nhonga ya Aroni mahlweni ka wumboni, yi ta hlayiswa lomo, kasi yi maha xialakanyiso ka vanana va ku hluwuka; u fuvisa zisolo xikari kabye hi kumbheleleko, lezaku va ngafi.

Mitsengo 17:10 Mawu Ofanana

Tisimu 57:4

A muhefemulo wa mina wu lomu xikari ka tinghala; Nzi etlele xikari ka lava va pupuxako nzilo; A vanhu lava a meno yabye ma nga matlhari ni tigalala, Lava a tirimi tabye ti nga tisupado to kariha.

Eksodusi 16:32

Mosi i te ngalo: Lezi zi leletelweko hi Jehova hi lezi: A ku hlayiswe a homeri leyi yi teleko hi manna xikari ka mingango ya nwina, kasi a zizukulwana za nwina zi ta ta wona a zibaba lezi nzi nga mu wundla ha zona lomu xiwuleni, xikhati lexo nzi nga mu humesa tikweni ga Gipite.

Eksodusi 16:34

Khwatsi hilezi Jehova a wulileko ka Mosi, Aroni i lo yi veka mahlweni ka Wumboni lezaku yi hlayiswa kona.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Hosea 10:9

Israeli, u onhile kusukela masikwini ya Gibea. Va lo yima laho, kasi a yimpi yi vukelako a vakubiha yi nga va kumi le Gibea. Vala. 19:22

Mitsengo 14:5

Zonake Mosi na Aroni va lowa lahasi hi tinghohe tabye mahlweni ka tlhangano wontihe wa vanana va ka Israeli.

Mitsengo 16:21

Tlhatukani xikari ka tlhangano lowu, nzi ta va lovisa khatiginwe.

Mitsengo 16:38

A zibya lezi a vanhu va onhileko mihefemulo yabye ha zona zi ta tlombiwa zi maha ziphambati za ku lemela a alati ha zona; hakuva zona zi nyikelwe mahlweni ka Jehova, na zona zi basile; zi tava xialakanyiso ka vanana va ka Israeli.

Mitsengo 16:40

ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.

Mitsengo 17:11

Mosi i lo maha lezo, i lo maha khwatsi hilezi Jehova a mu leleteleko.

Mitsengo 17:4

U ta ti veka lomu ka tenda ga mutlhangano, a mahlweni ka wumboni, laha nzi tlhanganako kona zinwe na nwina.

Mitsengo 17:9

Zonake Mosi i lo teka tinhonga tontlhe mahlweni ka Jehova, a ti neha ka vanana va ka Israeli; laha na va ti wonile, loyi ni loyi i lo teka a nhonga yakwe.

Mitsengo 20:9

Mosi i lo teka a nhonga mahlweni ka Jehova, khwatsi hi lezi Jehova a mu leleteleko.

Mitsengo 4:18

Chelani kota lezaku a nyangwa ya tiyindlu ta ka Kohati yi nga dzuki yi tsemiwa xikari ka vaLevi.

1 Va le Korinte 10:10

Kambe mu nga monyi, kota vanwani va vona va nga monya, va lobyiswa hi mudayi.

Va le Efesusi 5:6

Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. Jer. 29:8; Mat. 24:4

Deuteronome 9:24

Nwina mu wa hi ni mijiri ha Jehova kusukela siku lego nzi nga sangula ku mu tiva nwina.

Deuteronome 9:7

Alakanya, u nga rivali lezaku u zangarisile kuyini Jehova Nungungulu wa nwina le xiwuleni; nwina mu vukele Jehova kusukela a siku lego a ku humesileko tikweni ga le Gipite, kala mu chikela ka legi wutshamu, Ekso. 14:11; Mitse. 11:4; Tis. 95:10

Maheberu 9:4

legi gi nga hi ni alati ga nzalama go hisela kona mpepo, ni Nghaxa ya Xivumelwano, leyi yi nameketelweko nzalama matlhelo wontihe. Lomo nzeni ka yona ku wa hi ni mbita ya nzalama leyi yi nga hi ni manna, ni nhonga ya Aroni leyi yi nga hluka, ni timbila ta xivumelwano. Ekso. 16:33; Mitse. 17:10; Deut. 10:2, 5

1 Samueli 2:12

A vana va Eli va wa hi vavanuna vo biha. Va wa nga mu tivi Jehova.

1 Samueli 30:22

Kanilezi a vanhu vontlhe vo biha ni vaBeliali, lava va nga hi xikari ka lava va nga wa fambile na Davida, va lo wulawula vaku: Kota lezi va nga kala ku famba na hina, cima hi nga ta va nyika nchumu xa muphango wa lezi hi phangileko, ahandle kaku munwe ni munwani a teka sati wakwe ni vanana vakwe a ti fambela.