Mitsengo 16:46 - Tshwa Bible

⁴⁶ Zonake Mosi aku ka Aroni: Teka a xibya xa ku hisela a libani u oka a nzilo wa lomu ka alati, u vekela lomo a libani, u hatlisa uya xikari ka tlhangano, uya maha muphahlelo wa nzhiho; hakuva ku kona a zanga yi tako hi mahlweni ka Jehova, a ntungu wu sangulile.

Mitsengo 16:46 Mawu Ofanana

1 Kronekele 27:24

Joabe nʼwana Zeruia i wa sangule ku va hlaya, kanilezi a nga va hetangi, hakuva Jehova i lo zangarela va ka Israeli hi kota ya mhaka leyi; hikwalaho a tsengo wabye a wu tsaliwangi bhukwini ga Matimu ya hosi Davida.

Tisimu 106:29

Va zangarisa Nungungulu hi zimaho zabye, A ntungu wu lo wela hehla kabye.

Tisimu 141:2

A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

Levi 10:6

Mosi aku ka Aroni, na Eliazare, na Itamare, vana va Aroni: Mu nga fununguli tihloko ta nwina, hambu ni ku hanzula tinguwo ta nwina, mu ngafa, mu neha a zanga hehla ka ntlhangano wontihe. Kanilezi a vamakabye va nwina, a yindlu ya ka Israeli, hi vona va ta nga rila hi kota ya nhova leyi yi hisilweko hi Jehova.

Levi 9:24

Ni nzilo wu lo huma mahlweni ka Jehova wu hisa a muphahlo wa kuhiswa, ni mafura laha alatini. Ni vanhu vontlhe va lo zi wona, zonake va lo kanyuluka hi kutsaka, va ti wisa lahasi hi tinghohe tabye. 2 Kro. 7:1

Habakuka 3:5

A ntungu wa mu rangela mahlweni, A kufa loku ku hisako ku mu lanza hi lenzhako.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Mitsengo 1:53

Kanilezi a vaLevi va ta gova kusuhani ni tabemakeli ga wumboni, va gi ranzela, kasi a zanga ya mina yi nga dzuki yi vukela a tlhangano wa vanana va ka Israeli; hikwalaho a vaLevi va ta hlayisa a tabemakeli ga wumboni.

Mitsengo 11:33

Laha na nyama ya ha hi lomu menweni yabye, na yi nga se mbhela, a zanga ya Jehova yi lo vindlukela vanhu, Zonake Jehova a lamata vanhu hi mhango ya hombe nguvu.

Mitsengo 18:5

Mu ta hlayisa a zibya za wutshamu ga kubasa ni ntiro wa alati, kasi a zanga yi nga engeti yiva kona hehla ka vanana va ka Israeli.

Mitsengo 25:13

Xi tava ka yena ni ka zizukulwana zakwe lexi xivumelwano xa wupristi legi ga kala kupinzuka, hakuva i pinyamele Nungungulu wakwe, a mahela a vanana va ka Israeli a nzhiho.

Mitsengo 25:8

I lo lanza inaloye le tendeni gakwe, a ya va tlhava vontlhe hi wumbiri gabye a va patsa khatiginwe, muIsraeli ni wasati loye rumbyini gakwe. Zonake a ntungu wu lo khawula xikari ka vanana va ka Israeli.

Mitsengo 8:19

Hizinene nzi nyikele a vaLevi ka Aroni ni ka vana vakwe, a ku kasi va tira a ntiro wa vanana va ka Israeli lomu ka tenda ga mutlhangano, ni lezaku va maha a miphahlo ya minzhiho ya vanana va ka Israeli, kasi ku nga dzuki ku huma mhango xikari ka vanana va ka Israeli, laha na va tshinela kusuhani ka wutshamu ga kubasa.

Deuteronome 9:22

Ni kambe mu zangarisile Jehova le Tabera, ni le Masa, ni le Kibrote-Hatava. Ekso. 17:7; Mitse. 11:1, 3, 34