Mitsengo 16:29 - Tshwa Bible

²⁹ Loku vanhu lava vafa kota, lezi va fisako zona vanwani vanhu, ni loku lava vanhu vafa hi ku humelwa hi lezi zi humelako vanwani vanhu; Jehova a nga nzi rumangi.

Mitsengo 16:29 Mawu Ofanana

1 Tihosi 18:36

Zonake hi xikhati xa ku nyikela a muphahlelo wa gambo, muprofeti Elija i lo tshinela laha kusuhani, aku: Jehova, Nungungulu wa Abrahama, na Isaka, na Israeli, a zi tibyiwe inyamutlha lezaku wena u Nungungulu wa ka Israeli, ni lezaku mina nzi nanza ga wena, ni lezaku mina nzi mahile lezi hi kota ya kuleletela ka wena! Ekso. 3:6; Mat. 22:32

1 Tihosi 22:28

Zonake Mikaia i te ngalo: Loku hakunene u wuya hi kurula, Jehova a nga wulawulangi ha mina. Tlhatakumbiri, i te ngalo: Zwanani lezi nwentlhe vanhu!

2 Kronekele 18:27

Mikaia i lo hlamula, aku: Loku wena futsi u wuya hi kurula, Jehova a nga wulawulangi ka mina. I lo engeta kambe aku ngalo: Zwanani nwina nwentlhe vanhu!

Joba 35:15

Kanilezi makunu hikuva a zanga yakwe yi nga se vindluka, Na a nga khataleli nguvu lezaku vanhu va ti kukumuxa,

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Eksodusi 32:34

Suka makunu u rangela vanhu, u ya navo laha nzi ku leleteleko kona. Languta a ngelosi ya mina yi ta rangela mahlweni ka wena. Kanilezi a siku ga ku va tsayisa ka mina, nzi ta va tsayisa hi zionho zabye.

Mutshawuteli 3:19

Hakuva a xiavelo xa vana va vanhu xa fana ni lexi xa zihari, xiavelo xinwe. Kota lezi munhu a fako, ni xihari xa fawo; i moya munwe wu nga kona ka yena ni ka xona. Hikwalaho a munhu a nga hunzi xihari; hakuva zontlhe a zi nyawuli.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Jeremia 5:9

Xana mina nzi nga ta tsayisa lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Mikosi 4:22

A tsayiso wa zigoho za wena wu hetekile, wena nhwana wa Zioni; A nga ta ha ku yisa wukhumbini. Wena nhwana wa Edome, a kugoha ka wena ku ta tsayisiwa; Jehova i ta vumbulula a zionho za wena.

Kuvululelwa 11:5

Loku munhu a lava ku va bayisa, ku huma nzilo kanwini kabye, wu khadamula valala vabye; ni loku munhu a lava ku va bayisa i ta dayiswa zalezo. Mitse. 16:29; 2 Tih. 1:10, 12