Mitsengo 16:18 - Tshwa Bible

¹⁸ Va lo teka a zibya zabye, va chela a nzilo lomo, va vekela a tibani lomu nzeni ka zona, zonake va yima laha nyangweni ya tenda ga mutlhangano, zinwe na Mosi na Aroni.

Mitsengo 16:18 Mawu Ofanana

2 Kronekele 26:16

Makunu laha a nga wa hi ni ntamu, a mbilu yakwe yi lo ti kukumukisa kala a huma zineneni; i lo onhela Jehova Nungungulu wakwe hi ku enghena lomu tempeleni ya Jehova a hisa libani laha alatini ga libani.

Levi 16:12

Zonake i ta teka a njhalo lowu wu teleko hi makhala ya nzilo ma humako hi lomu alatini mahlweni ka Jehova, ni mandla mambiri ma teleko hi libani lo nuhela li kuyilweko; na yena i ta neha lezi zilo lomu nzeni ka nguwo ya xisirelo; Maheb. 9:7

Levi 16:13

Yena i ta chela a libani laha makhaleni mahlweni ka Jehova, kasi a refu ga musi wa libani gi fela ku fenengeta a xitshamu xa wuxinji lexi xi nga hehla ka Wumboni, kasi a ngafi.

Mitsengo 16:17

Tekani zibya, munwe ni munwani wa nwina, mu chela ka zona a tibani, zonake loyi ni loyi i ta neha a xibya xakwe mahlweni ka Jehova, zi tava 250 wa zibya; wena na Aroni mu ta teka a zibya za nwina hi wumbiri ga nwina.

Mitsengo 16:19

Zonake Kora i lo tsombanyisa a ntlhangano wakwe wontihe laha nyangweni ya tenda ga mutlhangano, zonake a kungangamela ka Jehova ku lo woneka mahlweni ka tlhangano wontihe.

Mitsengo 16:37

Byela Eliazare a nʼwana wa mupristi Aroni, lezaku a susa a zibya za tibani xikari ka nzilo, a hangalasela kule a nzilo wa kona, hakuva zi basile.

Mitsengo 16:48

Yena i lo yima xikari ka lava va hanyako ni lava va fileko, zonake a ntungu wu lo khawuka.