Mitsengo 15:9 - Tshwa Bible

⁹ u ta nyikela a nkuzi zinwe ni zipanze zinharu za wukhume za mapa ma nanaselweko ma vuvilweko ni khihlanya ga hini ya mafura;

Mitsengo 15:9 Mawu Ofanana

1 Kronekele 21:23

Ornani i te ngalo ka Davida; Hosi yanga, gi teke u maha lezi zi ku xalalisako; nzi ta ku nyika ni tihomu to maha ha tona muphahlo wa kuhiswa, ni tikareta u maha ha tona tihunyi, ni mavele yo maha ha wona munyikelo; zontlhe lezo nza ku nyika.

Nehemia 10:33

a kuva za zibaba za xikombiso, ni munyikelo wa siku ni siku wa mapa, ni wa kuhiswa wa siku ni siku, ni wa masabado, ni wa kuwoneka ka hweti ni hweti, ni mibuzo, ni zilo zi basileko, ni minyikelo ya kuonha kasi ku maha a nzhiho wa va ka Israeli, ni wontihe a ntiro wa yindlu ya Nungungulu wa hina. Ekso. 25:30; Levi 24:6

Ezekieli 42:13

Zonake yena aku ka mina: A matsawu ya tlhelo ga Nwalungu ni ya tlhelo ga Dzonga, lawa ma cuwukeneko ni wutshamu ga xisirelo, matsawu yo basa; hi lomo a vapristi laʼva tirelako Jehova va ta nga gela kona a zilo zi hunzeleleko kubasa; hi lomo va ta nga veka kona a zilo zi hunzeleleko kubasa, a minyikelo ya zakuga, ni minyikelo ya kuonha, ni ya milanzu: mbutshamu gi basileko.

Ezekieli 46:11

Lomu mibuzweni ni lomu zimuseni a munyikelo wa tinzhoho wu tava efa ginwe hi honwana yinwe, ni efa ginwe hi hamba yinwe; loku ti hi tiyivana yi ta nyika hi laha yi zi kotako; zinwe ni hini ginwe ga mafura ka efa ginwe ni ginwani.

Ezekieli 46:15

A yivana yi ta nyikelisiswa lezo siku ni siku ni mixo, zive tano ni munyikelo wa tinzhoho ni wa mafura, hi wona munyikelo wa kuhiswa wa simasima.

Ezekieli 46:5

A munyikelo wa tinzhoho ku tava efa ginwe hi hamba yinwe, kanilezi a munyikelo wa tinzhoho wa tiyivana yi ta humesa kota lezi a zi ranzako; a wa mafura yi ta humesa a hini ginwe ka efa ginwe.

Ezekieli 46:7

Yi ta humesa a munyikelo wa tinzhoho, efa ginwe hi honwana yinwe, ni efa ginwe hi hamba yinwe, loku ti hi tiyivana yi ta maha lezi yi ta nga zi kota, zinwe ni hini ginwe ga mafura hi efa ginwe ni ginwani.

Joeli 1:9

Minyikelo ya tinzhoho ni ya kunwa a ya ha hi kona ndlwini ya Jehova; a vapristi lava va nga zitiri za Jehova va rila.

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Levi 14:10

Hi siku ga wuntlhanu ni manharu, i ta teka tihambana timbiri leti ti nga hiko na bawa, ni kundlwana wa lembe ginwe wu nga hiko na bawa, ni xipanze xa wunharu xa za wukhume xa efa ya mapa yo saseka, ma vuvilweko hi mafura, a kuva munyikelo, ni loga yinwe ya mafura.

Levi 6:14

A nayo wa munyikelo wa zakuga hi lowu: A vana va Aroni va ta wu neha mahlweni ka Jehova, a mahlweni ka alati.

Levi 7:37

Lowu hi wona a nayo wa munyikelo wa kuhiswa, ni wa munyikelo wa zakuga, ni wa munyikelo wa kuonha, ni wa munyikelo wa milanzu, ni wa ku wumbela mupristi, ni wa kurula.

Mitsengo 15:10

u ta nyikela ni khihlanya ga hini ya vinya, a kuva munyikelo wa zakunwa; muphahlelo lowu wu mahiwako hi nzilo, wu nga ni masema yo nanziha ka Jehova.

Mitsengo 15:8

Loku u nyikela a nkuzi yo maha muphahlo wo hiswa kutani muphahlo wo tatisa xifungo, kutani muphahlo wa kubonga ka Jehova;

Mitsengo 28:12

ni xipanze xa wukhume xi wuyetilweko kanharu xa mapa ma nanaselweko ma vuvilweko hi mafura, a kuva wu longoloka ni nkuzi yinwe ni yinwani; ni xipanze xa wukhume xi wuyetilweko kambiri xa mapa ma nanaselweko ma vuvilweko hi mafura, a kuva munyikelo wu longolokako ni hamba yinwe ni yinwani;

Mitsengo 28:14

A munyikelo wa kona wa kunwa i khihlanya ga hini ya vinya ka nkuzi yinwe ni yinwani, ni xipanze xa wunharu xa hini ka hamba yinwe ni yinwani, ni xipanze xa wumune xa hini ka hambana yinwe ni yinwani. Lowu hi munyikelo wa kuhiswa wa hweti; wu tava wa tihweti tontlhe ta lembe.

Mitsengo 29:6

Mu ta yi nyikela zinwe ni munyikelo wa kuhiswa wa hweti, zinwe ni munyikelo wa kona wa kuga ni kunwa, kota nayo wa kona; lowu muphahlelo wa kuhiswa wa masema yo nanziha ka Jehova.

1 Samueli 1:24

A nzhako na a mu lumulile, i lo mu teka a famba naye, ni tikuzi tinharu, ni efa ya mapa, ni botori ga vinya, a mu heleketa ndlwini ya Jehova le Xilo. Kanilezi a mufana i wa ha hi tsongwani.