Mitsengo 15:15 - Tshwa Bible

¹⁵ Ku tava nayo munwe wa tlhangano, hi lezaku wa nwina ni wa muluveli loyi a akileko xikari ka nwina. Ku tava xileletelo xa kala kupinzuka ka zizukulwana za nwina; ku tava kota yinwe ka muluveli ni ka nwina mahlweni ka Jehova.

Mitsengo 15:15 Mawu Ofanana

Estere 9:27

a vaJuda va lo tiyisa va ti hlawutela lezaku vona ni pswalo wabye, ni vontlhe lava va hlengelako zinwe navo, va hlayisa masiku lawa ya mambiri lembe ni lembe, maringano ni lezi zi tsalilweko ni zileletelo za kona.

Eksodusi 12:14

Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Eksodusi 12:24

Nwina mu ta hlayisa zileletelo lezi, zona zi tava xiyimiso ka nwina ni ka vanana va nwina kala kupinzuka.

Eksodusi 12:43

Zonake Jehova aku ka Mosi na Aroni: A xiyimiso xa Pasika hi lexi: Ngha ku nga hi kona muluveli xikari ka nwina a ta ngaga Pasika;

Eksodusi 12:49

Ku tava nayo munwe, a ka loyi a belekilweko lomu lixakeni la nwina ni ka wamatiko loyi a luvelako xikari ka nwina.

Eksodusi 28:43

Aroni ni vana vakwe va ta ma ambala loku va enghena lomu tendeni ga mutlhangano, ni loku va tshinela laha alatini ku ya tira mitiro lomu ka wutshamu go basa, kasi va nga dzuki va kuma nanzu, vafa. Xi tava xileletelo xa kala kupinzuka, xi nyikilweko ka Aroni ni zizukulwana zakwe.

Levi 24:22

Nwina nwentlhe mu tava ni nayo munwe; ka muluveli ni ka xisumbulwa ku tava kota yinwe; hakuva hi mina Jehova, Nungungulu wa nwina.

Mitsengo 10:8

Mbapristi, a vana va Aroni, lava va ta ngaba mipunzu. Lexo xi tava xileletelo xa kala kupinzuka ka zizukulwana za nwina.

Mitsengo 15:14

Ni loku muluveli loyi a akileko xikari ka nwina, kutani hi wihi a ta nga aka xikari ka nwina, loku a lava ku nyikela muphahlo wa kuhiswa, a kuva masema yo nanziha ka Jehova, i ta nyikela kota nwina.

Mitsengo 15:29

Wu tava nayo munwe ka vanana va ka Israeli ni ka muluveli loyi a akileko xikari kabye. Loku munhu a onha hi kuhoheta, mu tava ni nayo munwe.

Mitsengo 18:8

Jehova i lo wulawula kambe ka Aroni, aku: Languta, zontlhe lezi zi basileko, lezi a vanana va ka Israeli va zi nyikelako ka mina, nzi ku nyikile wena. Nzi ku nyikile zona, kasi zi avelwa ka wena ni vana va wena, xi tava xiavelo xa kala kupinzuka.

Mitsengo 9:14

Loku a muluveli loyi a akileko na nwina a lava kuga Pasika ya Jehova, i ta yi maha hi nayo wa Pasika, kota zileletelo za yona. A nayo wa kona wu tava zinwe ni wa nwina; hi lezaku a muluveli ni xisumbulwa zi tava zinwe.

Va le Galatia 3:28

A ka hi kona muJuda hambu muGreki, a ka hi kona khumbi hambu a tlhatlhekileko, a ka hi kona wanuna hambu wasati; hakuva nwina nwentlhe mu munwe ka Kristu Jesu. Joh. 10:16; 17:21; Rom. 10:12

Va le Kolosi 3:11

Laho a ku na muGreki ni muJuda, ni xitshiva ni khuna, ni wamatiko ni muSkite, a khumbi ni loyi a tlhatlhekileko; kanilezi Kristu hi yena zontlhe, i kona ka vontlhe. Gal. 3:28

Joxua 8:33

Zonake vontlhe va ka Israeli ni masingalakati yabye, ni tinduna tabye, ni valamuli vabye, va lo yima matlhelweni mambiri ya nghaxa na va cuwukene ni vapristi ni vaLevi lava va rwalako a nghaxa ya xivumelwano xa Jehova; ni valuveli va wa hi zinwe ni zisumbulwa. Zonake a khihlanya gi wa hi tlhelweni ga xitsunga xa Gerizima, ni khihlanya gi wa hi tlhelweni ga xitsunga xa Ebale, khwatsi hi lezi Mosi, a nanza ga Jehova, a leleteleko ku katekisa a vanhu va ka Israeli kusanguleni.

1 Samueli 30:25

Ku lo mahisa lezo kusukela lego siku kuya mahlweni, ku lo maha lezo; va lo zi maha xileletelo ni nayo lomu ka Israeli kala legi siku.