Mitsengo 14:40 - Tshwa Bible

⁴⁰ Zonake va lo vuka ni mixo va famba, va kanziha hehla ka xitsunga, vaku: Hi laha! hi lava ku kanziha hiya ka wutshamu lego Jehova a gi wulileko, hakuva hina hi onhile. Deut. 1:41

Mitsengo 14:40 Mawu Ofanana

Mutshawuteli 9:3

Loku hi kubiha xikari ka zilo zontlhe zi mahiwako lahasi ka gambo, hi lezaku xilo xinwe xi humela vontlhe. Ina, a timbilu ta vana va vanhu ti tele hi kubiha, a wuhunguki gi lomu timbilwini tabye kuhanyeni kabye; anzhako ka lezo vaya ka vafileko.

Mitsengo 15:30

Kanilezi loku munhu a onha ha womu, kutani xisumbulwa kutani muluveli, a onha hi ku kanyisa Jehova; loye munhu i ta tsemiwa xikari ka va ka kabye.

Mitsengo 22:34

Balaami i te ngalo ka ngelosi ya Jehova: Nzi onhile, hakuva a nzi zi tivangi lezaku u yimile mahlweni ka mina laha ndleleni. Makunu loku zi bihile mahlweni ka wena, nzi ta tlhela nzi famba kaya.

Luka 13:25

Loku a nwinyi wa yindlu a vukile, a vala livati, zonake na mu yimile lahandle, mu sangula ku gongonza, muku: Hosi, hi vululele; i ta mu hlamula, aku: A nzi ku tivi laha mu tako ha kona. Tis. 32:6; Isa. 55:6; Mat. 25:10

Deuteronome 1:41

Zonake mu lo hlamula muku ka mina: Hina hi onhile ka Jehova. Hikwalaho hina hi ta famba hi yalwa kota lezi Jehova Nungungulu wa hina a hi leleteleko. Zonake nwina mu lo hloma, mu nga chavi ku kanziha zitsungeni. Mitse. 14:40

Deuteronome 1:43

Zinghaho mina nzi lo wulawula ka nwina, kanilezi cima a mu ingisangi; mu lo kaneta timhaka ta Jehova, mu ti kurumeta mu kanziha xitsungeni.