Mitsengo 14:34 - Tshwa Bible

³⁴ Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!

Mitsengo 14:34 Mawu Ofanana

1 Tihosi 8:56

A ku dumiswe Jehova loyi a nyikileko kuhumula ka vanhu vakwe va ka Israeli, kota lezi a wulileko! Cima a ku kona ni gezu ginwe gi wileko ka wontihe magezu lawa yo saseka a ma tsumbisileko ka nanza gakwe Mosi. Deut. 12:10; Jox. 21:45; 23:14

2 Kronekele 36:21

Kasi ku fela ku tatiseka a gezu ga Jehova legi gi wulilweko hi nomu wa Jeremia, kala a tiko gi ta ti tsakela hi masabado ya gona; gi humula xikhati xontlhe lexi kala ku mbhela 70 wa malembe. Levi 26:34; Jer. 25:12; Dan. 9:2

Tisimu 105:42

Hakuva i lo alakanya a xifungo xakwe xi basileko, Na Abrahama a nanza gakwe.

Tisimu 38:4

Hakuva a zigoho za mina zi hunza ni hloko ya mina; Kota zi nga nzhwalo wo tika za nzi binza nguvu.

Tisimu 77:8

A wuxinji gakwe gi mbhelele magumo ke? A xitsumbiso xakwe xi ta tsikelwa magumo ke?

Tisimu 95:10

Mune wa makume ya malembe nzi lo tsanwa hi xizukulwana lexo, Nziku: Mbanhu vo lahleka timbilwini tabye, A va tivangi a tindlela ta mina. Ekso. 32:9; Deut. 32:5, 6, 28

Ezekieli 14:10

Va ta rwala a tsayiselelo wa kugoha kabye; a kugoha ka muprofeti ku ta ringana ni kugoha ka loyi a yileko ku ya mu wutisa;

Ezekieli 23:35

Hikwalaho Hosi Jehova i ngalo: Kota lezi u nzi riveleko, u nzi fularela, hikwalaho u ta tsayiswa hi wuoswi ga wena ni wubhayi ga wena. 1 Tih. 14:9; Jer. 2:32; 3:21

Ezekieli 4:5

Hakuva a tsengo wa malembe ya kugoha kabye, a ka wena nzi ta wu hunzula wu maha a tsengo wa masiku, ku tava 390 wa masiku. Zinghaho u ta rwala kugoha ka yindlu ya ka Israeli.

Ezekieli 4:6

Zonake loku ma mbhelile masiku lawo, u ta tlhela u etlela hi reve ga wena ga xinene, u ta rwala a kugoha ka yindlu ya ka Juda; ku nga 40 wa masiku, nzi ku ringanisela a kuva a siku ginwe gi hlayiwa kota lembe, ginwe. Mitse. 14:34

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Hosea 9:12

Hambu loku va wundla vanana, nzi ta va tekela vona, ku nga sali munhu. I khombo ka vona loku nzi va tsika.

Levi 20:19

U nga fununguli wumbyiri ga makabye wa mamani wa wena, ni wumbyiri ga hahani wa wena, hakuva hi ku maha lezo ku funungula a xaka ga yena ga zinene; vona va ta rwala milanzu yabye.

Zakaria 11:10

Nzi lo teka a nhonga ya mina yi vitwako Wunene nzi yi tshova, kasi nza fela ku tshova a xivumelwano xa mina lexi nzi nga xi maha ni matiko wontlhe.

Mitsengo 13:25

Anzhako ka 40 wa masiku va lo wuya hi le kuhloleni ka tiko.

Mitsengo 18:23

Hilezo a vaLevi va ta tira a ntiro wa tenda ga mutlhangano, va rwala a nanzu wabye. Lexi xi tava xileletelo xa kala kupinzuka zizukulwaneni za nwina; va nga tava ni tshomba xikari ka vanana va ka Israeli.

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.

Mitiro 13:18

Yena i lo hunisela ha vona le xiwuleni a xipimo xa 40 wa malembe.

Deuteronome 2:7

Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Maheberu 4:1

Kota lezi a xitsumbiso xa kuenghena kuhumuleni kakwe xa ha hi ku kona, a hi chaveni lezaku ku nga sali nzhako ni munwe wa nwina.

Joxua 14:10

Cuwuka, makunu Jehova i nzi hlayisile nzi hanya, khwatsi hi kuwula kakwe, lawa 45 wa malembe ma hunzileko, kusukela xikhati lexo Jehova a wulileko timhaka leti ka Mosi, na vaIsraeli na va ha fambafamba lomu xiwuleni; makunu mina nzi na ni 85 wa malembe.

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.